قارۋ-جاراقتى قولجەتىمدى جەرگە قويعان «پاللادا» دۇكەنىنىڭ يەسى قىلمىستىق جاۋاپقا تارتىلادى. 5 ماۋسىم كۇنى لاڭكەستەر شابۋىل جاساعان «پانتەرا» مەن «پاللادا» قارۋ-جاراق دۇكەندەرىنىڭ يەلەرى وقيعادان كەيىن 20 اەك اكىمشىلىك ايىپپۇل تولەپ، بارلىق كەمشىلىكتى جويدى، - دەپ حابارلايدى Qamshy.kz Bnews.kz - كە سىلتەمە جاساپ.

«وبلىستاعى بارلىق قارۋ-جاراق دۇكەندەرى وبلىستىق پروكۋراتۋرا، وبلىستىق ءىىد، ىشكى ىستەر مينيسترلىگىنىڭ تەكسەرۋىنەن ءوتتى. «پانتەرا» دۇكەنىندە قارۋ-جاراقتى ساقتاۋ كەمشىلىكتەرى انىقتالدى. دۇكەن يەسىنە 40 مىڭ تەڭگە اكىمشىلىك ايىپپۇل سالىندى. ال «پاللادا» دۇكەنىنىڭ يەسى قارۋ-جاراقتىڭ قاۋىپسىزدىگىن قامتاماسىز ەتپەگەن. دۇكەن ىشىنە كىرگەن ادام قارۋعا وڭاي قول جەتكىزگەن. شۇرىپپەلەرى بەكىتىلمەگەن. سوندىقتان قىلمىستىق ءىس تەرگەلىپ جاتىر»، - دەيدى وبلىستىق پروكۋراتۋرانىڭ ءىى باسقارماسىنىڭ باسشىسى ماراتبەك مىرزامۇراتوۆ.

ايتا كەتەيىك، ەكى قارۋ-جاراق دۇكەنى دە قارۋ-جاراقتى ساقتاۋ، قاۋىپسىزدىكتى قامتاماسىز ەتۋ كەمشىلىكتەرىن جويىپ، ايىپپۇل تولەدى.

«5 ماۋسىم كۇنى بولعان لاڭكەستىك وقيعا ءالى تەرگەلىپ جاتىر. سوندىقتان ءىس تۋرالى قانداي دا ءبىر اقپارات بەرۋگە بولمايدى. ءقازىر 67 ماتەريال بار. بىرنەشە پروكۋرور تەرگەۋ جۇمىستارىنا قاتىسىپ ءجۇر. كىنالىلەر مەن ولارعا كومەكتەسكەندەردىڭ بارلىعى ۇستالدى»،- دەيدى باسقارما باسشىسى.