ۇلتتىق ءبىرىڭعاي تەست ناۋقانى كەزىندە زاڭ بۇزعان العاشقى ازامات ۇستالدى. وڭتۇستىك قازاقستان وبلىسىندا ورتا مەكتەپتىڭ وقۋ ءىسى جونىندەگى مەڭگەرۋشىسى 450 مىڭ تەڭگەنى پارا رەتىندە الىپ جاتقاندا تۇتقىندالدى. وقيعا ورداباسى اۋدانىنىڭ قىزىلجار اۋىلىندا ورىن العان. مەكتەپ ديرەكتورىنىڭ ورىنباسارى ءادىحان قايرانبەك 450 مىڭ تەڭگەگە سىناق قورىتىندىسىن وزگەرتۋگە ۋادە ەتىپتى. ءوزىن قارجى پوليسياسى قىزمەتكەرلەرى تۇتقىنداۋعا كەلگەنىن سەزگەن ءبىلىم ۇياسىنىڭ قىزمەتكەرى مەكتەپ ماڭىنداعى ۇيلەردىڭ بىرىنە قاشىپ، كىرىپ كەتكەن. الايدا، الاياق ۇستازعا بوتەن ءۇيدىڭ قابىرعاسى قورعان بولا المادى. ءقازىر، پارامەن ۇستالعان ازامات ەشقايدا كەتپەۋ تۋرالى قولحاتپەن بوساتىلدى.

انەل ماتييەۆا، وقو بويىنشا ەقسجقكد باسپا ءسوز حاتشىسى:

- تەكسەرۋ بارىسىندا قايرانبەكتىڭ قالتاسىنان 450 مىڭ تەڭگەدەن باسقا، قۇجاتتارى الىندى. سونىمەن قاتار، تاعى دا بىرنەشە سومانى قۇرايتىن اقشا الىندى. ول اقشانى ءوزىنىڭ اقشاسى نەمەسە باسقا پارا بەرگەن ادامنىڭ اقشاسى ەكەنى قازىرگى تاڭدا انىقتالۋ بارىسىندا.

تەكسەرۋ بارىسىندا قايرانبەكتىڭ قالتاسىنان 450 مىڭ تەڭگەدەن باسقا، قۇجاتتارى الىندى. سونىمەن قاتار، تاعى دا بىرنەشە سومانى قۇرايتىن اقشا الىندى. ول اقشانى ءوزىنىڭ اقشاسى نەمەسە باسقا پارا بەرگەن ادامنىڭ اقشاسى ەكەنى قازىرگى تاڭدا انىقتالۋ بارىسىندا.

بەكجىگىت ماۋلەنوۆ

Ktk تەلەارناسى، تاقىرىپ وزگەرتىلىپ الىندى.