اتىراۋ وبلىسىندا ءىرى قارانىڭ جاپپاي قىرىلۋىنىڭ سەبەبى انىقتالدى، - دەپ حابارلايدى Qamshy.kz كتك ارناسىنا سىلتەمە جاساپ.
اۋرۋ اتىراۋ وڭىرىنە رەسەيدەن كەلىپتى. ال نەگىزى شىققان جەرى –افريكا ەكەن. ءقازىر بۇل ۆيرۋستى اتىراۋ وبلىسىندا 2000-نان استام ءىرى قارا جۇقتىرىپ، 60-قا جۋىعى ولگەن. قايتا، بۇل ىندەت ادامعا جۇقپايدى ەكەن. سىرقات مال سانىنىڭ كۇن ساناپ كوبەيۋىنە بايلانىستى ەندى قۇرمانعازى اۋدانىندا كارانتين جاريالانباق. جانە ءتورت تۇلىگى ارام قاتقان تۇرعىندارعا مەملەكەت ەسەبىنەن وتەماقى دا تولەنبەكشى. بيۋدجەتتەن 2 ميلليون تەڭگەدەن استام قاراجات ءبولىنىپ، مالدىڭ ەم-دومىنا قاجەتتى دارى-دارمەك ساتىپ الىنىپ جاتىر.
پىكىر قالدىرۋ