استانانىڭ الماتى اۋدانىندا تۇنگى ۋاقىتتا № 29 مەكتەپ ورتەندى، - دەپ حابارلايدى Qamshy.kz Tengrinews.kz - كە سىلتەمە جاساپ.

ق ر ءىىم-نىڭ توتەنشە جاعدايلار كوميتەتىنىڭ رەسمي وكىلى رۋسلان يمانقۇلوۆتىڭ ايتۋىنشا، ءورت تۋرالى حابار ديسپەچەر پۋلتىنە ساعات 1.12-دە تۇسكەن. وقيعا ورنىنا جەتكەن ءورت ءسوندىرۋ قىزمەتى ءورتتىڭ جايىلۋىن 2.17-دە توقتاتىپ، 3.14-تە تولىعىمەن سوندىرگەن. 

"ءورت ەكىنشى قاباتتاعى اكت زالىنان شىققان. عيماراتتىڭ توبەسى مەن شاتىرى ورتەنگەن. الدىن الا مالىمەتتەر بويىنشا، ءورتتىڭ اۋماعى 500 شارشى مەتردى قۇرايدى. قازا تاپقاندار مەن جاراقات العاندار جوق"، - دەپ اتاپ ءوتتى يمانقۇلوۆ.

ءورتتى سوندىرۋگە استانا قالاسىنىڭ ءورت ءسوندىرۋ قىزمەتىندەگى جەكە قۇرامنىڭ 59 ادامى جۇمىلدىرىلعان. قىزمەتكەرلەر 16 ارنايى تەحنيكانى ىسكە قوسقان. ءورتتىڭ نەدەن شىققانى انىقتالىپ جاتىر.