سەگىز ادامنان قۇرالعان ەكسپەديسيا الاش كوسەمى ءاليحان بوكەيحاننىڭ ىزىمەن ءجۇرىپ، ەلگە قايتا ورالدى. ءاليحاننىڭ تۋعان جەرى اقتوعايدان باستالعان ساپار قارقارالى مەن سەمەيگە، ودان ارى ومبى، سامارا، ورىنبور، مينسك، ماسكەۋ جانە سانكت-پەتەربۋرگ قالالارىنا جالعاسقان بولاتىن. باس اياعى 17 كۇنگە جەتكەن ساپاردى قازاق گەوگرافيالىق قوعامى ۇيىمداستىرعان، - دەپ حابارلايدى Qamshy.kz 31 ارناعا سىلتەمە جاساپ.
ءاليحاننىڭ كىندىك قانى تامعان قىزىلارايدان، اتا-باباسىنىڭ زيراتى جاتقان تالدىبەيىتتەن باستالعان ەكسپەديسيا ءتۇن قاراڭعىسىنا قاراي قارقارالى ارقىلى سەمەيگە جول تارتۋمەن جالعاستى. الاشوردانىڭ ورتالىعى بولعان سەمەيدەن سوڭ ومبى. ءار قالادا، ونىڭ تاريحي عيماراتتارىندا ءاليحاننىڭ ءىزى جاتىر. ەكسپەديسيا الاش كوسەمىنىڭ، ۇلت-ازاتتىق كوتەرىلىسكە قاتىستى دۇنيەنىڭ ءبارىن وزدەرى دە تانىپ، ەلگە دە ناسيحاتتاۋدى ماقسات تۇتقان. وسى ساپاردا زەرتتەۋشىلەر ءاليحاننىڭ قىزى ەليزاۆەتانىڭ ماسكەۋدەگى نوۆوديەۆيچە زيراتىندا جاتقانىن تۇڭعىش رەت انىقتاعان.
- كوزى تىرىسىندە،اكەسىنىڭ اقتالعانىن كۇتىپ كورمەي كەتكەن. سول كىسىگە قۇران وقىعىنىمىز ەكپەديسيا مۇشەسى ءۇشىن ۇلكەن جاڭالىق بولدى دەسەك بولادى، - دەيدى پروفەسسور ايگۇل ءىسىماقوۆا.
ەكسپەديسياعا پروفەسسور ايگۇل ءىسىماقوۆا باس بولىپ، قايىربەك كەمەڭگەر، ايجان حاميت سياقتى ازاماتتار ىنتالى توپتىڭ قۇرامىن كۇشەيتە تۇسكەن. ەكسپەديسيا تىل جۇمىستارى كەزىندە ءاليحاننىڭ مينسكىگە بارعان كەزىندە تۇراقتاعان ءلوج اتتى ءقوناقۇيدى دە قيىندىقپەن تاپقان.
- ول گوستينيسانىڭ ورنىندا بۇگىندە ۇلتتىق بانك عيماراتى سالىنعانىن انىقتاپ وزدەرى سونداي رەسمي تۇردە ءبىزدىڭ ەلشىلىكتىڭ قىزمەتكەرى ارقىلى جىبەرىپ، تاۋەلسىزدىك پەن لەنين كوشەسىندە ورنالاسقانىن وزدەرى دە بىزبەن بىرگە انىقتادى. نەمىستەر سالعان عيمارات بولىپ شىقتى، - دەيدى پروفەسسور ايگۇل ءىسىماقوۆا.
ءار قالاداعى ءاليحانعا، الاشقا قاتىستى تاريحي ورىنداردى كورىپ كەلگەن ەكسپەديسيا مۇشەلەرى ماسكەۋدىڭ دون زيراتىنداعى ءاليحان بوكەيحان جەرلەنگەن جەرگە تالدىبەيىتتىڭ ءبىر ۋىس توپىراعىن جەتكىزىپ، رۋحىنا قۇران باعىشتادى.
ەكسپەديسياعا قاتىسقانداردىڭ ايتۋىنشا، قاراعاندى، ورىنبور سىندى قالالاردا ءاليحانعا ارنالعان نە ءبىر كوشە، نە ءبىر مەموريال تاقتا جوق. سوندىقتان، ەكسپەديسيا مۇشەلەرى وسىنداي دا ولقىلىقتاردىڭ ورنىن تولتىرۋ كەرەكتىگىن ايتادى.
پىكىر قالدىرۋ