«حالىقتىڭ بىزگە دەگەن ىقىلاسىنان قانشالىق ءۇمىت ارتىپ وتىرعانىن بايقادىم». بۇل تۋرالى بۇگىن بوكستان قازاقستان ۇلتتىق قۇراماسىنىڭ باس باپكەرى مىرزاعالي ايتجانوۆ بوكسشىلاردى برازيلياعا سالتاناتتى تۇردە شىعارىپ سالۋ راسىمىندە مالىمدەدى، - دەپ حابارلايدى Qamshy.kz قازاقپاراتقا سىلتەمە جاساپ.

«ءبىز ەل نامىسىن قورعاۋعا وليمپياداعا بارا جاتىر دەگەندى ەستىپ، اۋەجايعا قانشاما حالىق جينالعانىن كورىپ تۇرمىن. بۇل بىرىنشىدەن بىزگە دەگەن حالىقتىڭ قۇرمەتى. ەكىنشىدەن حالىقتىڭ بىزگە دەگەن ىقىلاسى. وسىدان-اق، ەلىمىز بوكسشىلاردان قانشالىق ءۇمىت كۇتەتىنىن بايقاۋعا بولادى. بۇيىرتسا وسى سەنىمدى اقتاۋعا بار كۇشىمىزدى سالامىز»، - دەپ اتاپ ءوتتى باس باپكەر.
سونداي-اق، ءتۇن ۇيقىسىن ءتورت ءبولىپ، ءتۇن ورتاسىندا ارنايى شىعارىپ سالۋعا كەلگەن جانكۇيەرلەرگە العىسىن ءبىلدىردى.

«مەن ءوز اتىمنان جانە وسى قۇراماداعى بارلىق بوكسشىلاردىڭ اتىنان بىزگە اق جول تىلەپ، شىعارىپ سالۋعا كەلگەن بارلىق جانكۇيەرلەرگە، ب ا ق وكىلدەرىنە راحمەت ايتامىن. ال ءبىزدىڭ مىندەت ەل ءۇمىتىن اقتاپ، جوعارى جەتىستىكپەن ورالۋ»، - دەدى باس باپكەر.

ول برازيلياعا جاقسى دايىندىقپەن بارا جاتقانىن ايتتى.

«دايىندىعىمىز دا، كوڭىل كۇيىمىز دە جاقسى. بوكسشىلاردىڭ بارلىعى بابىندا. استاناداعى سوڭعى جاتتىعۋىمىز دا جاقسى ءوتتى. قانات يسلام شاقىرتقان اقش بوكسشىلارى جانە ءوزىمىزدىڭ 2-3-نومەرلى بوكسشىلار جاتتىعۋلاردا جاقسى كومەكتەستى. ەندى ريوعا بارىپ، دايىندىعىمىزدى پىسىقتايمىز. بۇيىرسا، جىگىتتەرىمىز 6 تامىزدان باستاپ، شارشى الاڭعا شىعادى»، - دەدى باس باپكەر ايتجانوۆ.

بوكسشىلاردى استانا اۋە جايىنان اتتاندىرىپ سالۋعا بوكسشىلاردىڭ اعايىن-تۋىسى، دوس-جاراندارى جانە جەرگىلىكتى جانكۇيەرلەر مەن بىرگە ب ا ق وكىلەرى قاتىسىپ، ءسات-ساپار تىلەدى.

ەرلەر قۇراماسى مەن ايەلدەر قۇراماسى قۇرلىقتىڭ ارعى بەتىنە بىرگە اتتاندى.
وسىعان دەيىن حابارلاعانىمىزداي بوكسشىلارىمىز ريودا جارىستى 6 تامىز كۇنى باستايدى. وسى كۇنى ساعات جەرگىلىكتى ۋاقىتپەن 11:00-دە (استانا ۋاقىتى بويىنشا 20:00) 60 كەلى سالماقتا ءبىرىنشى بولىپ شارشى الاڭعا ب. ءابدىراحمانوۆ شىعادى. ال 17:00-دە (استانادا 7 تامىز، 02:00 بولادى) 81 كەلى سالماقتاعى بوكسشىمىز ءا. نيازىمبەتوۆ پەن 91 كەلى سالماقتاعى ۆ. ليەۆيتتىڭ ونەرىن تاماشالاي الامىز.

جارىستىڭ ەكىنشى كۇنى 7 تامىزدا 11:00-دە (استانا ۋاقىتىمەن 20:00) وسىمەن وليمپياداعا ءۇشىنشى رەت قاتىسقالى وتىرعان ەڭ جەڭىل سالماق - 49 كەلىدەگى ب. جاقىپوۆ ونەر كورسەتەدى. ال 17:00-دە (استانا ۋاقىتىمەن 8 تامىز، 02:00) 81 جانە 91 كەلىدەگى بوكسشىلار سىنعا تۇسەدى.

تامىزدىڭ 8ء-ى كۇنى 11:00-دە (استانادا 20:00) قازاقستان ۇلتتىق قۇراماسىنىڭ كوماندا كاپيتانى 69 كەلىدەگى د. ەلەۋسىنوۆتىڭ جەكپە-جەگىنە كۋا بولامىز. وسى كۇنى ساعات 17:00-دە (استانادا 9 تامىز، 02:00) تاعى ءبىر باتىرىمىز ج. ءالىمحان ۇلى شارشى الاڭعا شىعادى. 

تامىزدىڭ 9-ى كۇنى 11:00-دە (استانادا 20:00) 60 كەلى سالماقتاعى بوكسشىلار اراسىنداعى ىرىكتەۋ جارىستارى وتەدى. ال 17:00-دە (استانا ۋاقىتىمەن 10 تامىز، 02:00) 75 كەلى سالماقتاعى بوكسشىلار مەن +91 كەلىدەگى بوكسشىلار اراسىنداعى جەكپە-جەكتەردى تاماشالايتىن بولامىز. بۇل كۇنى قازاق بوكسشىلارىنىڭ اراسىنداعى اسا اۋىر سالماقتاعى ي.دىچكو ونەر كورسەتەدى. 
تامىزدىڭ 10-ى كۇنى ساعات 11:00-دە (استانادا 20:00) 49 كەلى سالماق دارەجەسىندەگى بوكسشىلاردىڭ شيرەك فينالدىق باسەكەلەرى باستالادى. وسى كۇنى ساعات 17:00-دە (استانا ۋاقىتىمەن 11 تامىز، 02:00) قازاق بوكسشىلارىنان 56 كەلىدەگى ق.ەرالييەۆ پەن 64 كەلىدەگى ا. ءجۇسىپوۆ شارشى الاڭعا شىعادى. سونداي-اق، 81 جانە 91 كەلى سالماقتاعى بوكسشىلار اراسىندا شيرەك فينالدىق باسەكەلەر وتەدى. 

تامىزدىڭ 11ء-ى كۇنى 56، 64، 69، جانە 81 كەلى سالماقتاعى بوكسشىلار اراسىندا ىرىكتەۋ سىندارى جالعاسادى. تامىزدىڭ 12ء-سى بوكستان قىزدار اراسىنداعى جەكپە-جەكتەر باستالادى. بۇل كۇنى ساعات 11:00-دە (استانادا 20:00) 51 كەلى سالماقتا ونەر كورسەتەتىن قارىنداسىمىز ج. شەكەربەكوۆانىڭ ونەرىن كورە الامىز. ال 13 تامىزدا 11:00-دە (استانادا 20:00) 52 كەلى سالماقتا و. ساتتىبايەۆ شارشى الاڭعا شىعادى. وسى كۇنى ساعات 17:00-دە (استانا ۋاقىتىمەن 14 تامىز، 02:00) 69 كەلىدەگى بوكسشىلار اراسىندا شيرەك فينالدىق دودالار وتسە، 91 كەلى سالماقتا جارتىلاي فينالدىق باسەكەلەر وتەدى. ال +91 كەلى سالماقتاعى بوكسشىلار اراسىندا ىرىكتەۋ ويىندارى ارى قاراي جالعاسىن تابىدى. تامىزدىڭ 14 كۇنى ساعات 11:00-دە (استانادا 20:00) ەكىنشى بوكسشى قىزىمىز د. شاكيموۆا شىرشى الاڭعا كوتەرىلەدى.

ال، تامىزدىڭ 15ء-ى كۇنى ساعات 11:00-دە (استانادا 20:00) 52 جانە 75 كەلى سالماقتاعى بوكىسشىلار اراسىندا ىرىكتەۋ ويىندارى جالعاسادى. 69 كەلىدە جارتىلاي فينالدىق ويىندار وتەدى. 17:00-دە (استانا ۋاقىتىمەن 16 تامىز، 02:00) 91 كەلى سالماقتاعى بوكسشىلار اراسىندا فينالدىق ويىندار وتەدى. تامىزدىڭ 16-سى كۇنى بوكستان ايەلدەر اراسىندا 51 كەلى سالماقتان شيرەك فينالدىق جەكپە-جەكتەر وتەتىن بولادى. 17 تامىز ساعات 14:00-دە (استانا ۋاقىتىمەن 23:00) 75 كەلى سالماقتاعى قىزداردىڭ شيرەك فينالدىق باسەكەلەرى وتەدى. ال تامىزدىڭ 18ء-ى كۇنى ايەلدەر اراسىندا 51 كەلى سالماقتاعى بوكسشىلاردىڭ جارتىلاي فينالدىق جەكپە-جەكتەرى وتەدى. 

19 تامىزدا ساعات 14:00-دە (استانا ۋاقىتىمەن 23:00) 75 كەلى سالماقتاعى قىزدار جارتىلاي فينالدىق جەكپە-جەكتەرىن باستايدى. 20 تامىزدا 14:00-دە (استانا ۋاقىتىمەن 23:00) 51 كەلى سالماقتاعى بوكسشى ارۋلار اراسىنداعى فينالدىق دودار باستالادى. 75 كەلى سالماقتاعى قىزدار اراسىنداعى بوكسشىلاردىڭ فينالدىق جەكپە-جەكتەرى 21 تامىز ساعات 14:00-دە (استانا ۋاقىتىمەن 23:00) باستالادى.