وعاش قىلىق تانىتىپ كوزگە تۇسكەن جۇلدىزداردان كىمدى بىلەسىز؟ بۇل سۇراققا 31-ارناداعى «جۇلدىزدار جارقىرايدى» باعدارلاماسى جاۋاپ ىزدەپتى.

شوۋ-بيزنەستە داڭق پەن داقپىرتتىڭ سالقىنى ءتيىپ، باسى داۋعا قالعان تانىمال جۇلدىزدار جەتەرلىك. وسىدان بىرنەشە جىل بۇرىن سپورتشى جىگىتپەن جۇدىرىقتاسقان ءانشى بەيبىت قورعان بار. ال مىنا كادرلەر قايرات تۇنتەكوۆتىڭ جادىندا ماڭگى قالاتىنى انىق. سەبەبى، ءانشى جول اپاتىن جاساپ، سونىڭ سالدارىنان ءبىرتالاي شىعىنعا باتقان بولاتىن. ال، 2014 جىلدىڭ جاز ايىندا "داۋىس International" توبىنىڭ ەكس مۇشەسى جادىرا قۇتپانوۆا وزىنە كوپشىلىكتىڭ نازارىن اۋداردى. ول كولىكتى ىشىمدىككە تويىپ الىپ جۇرگىزگەن. ءتىپتى، بويجەتكەن پوليسيا قىزمەتكەرىنىڭ ءبىرىنىڭ قولىن تىستەپ، ەندى ءبىرىنىڭ شالبارىن جىرتقان.

جاقىندا ەل ىشىندەگى اڭگىمەگە اينالعان ونەر جۇلدىزدارىنىڭ قاتارىنا ءانشى تورەعالي تورەالى دە  قوسىلدى. شىمكەنت قالاسىندا كىلەم فابريكاسىندا ءبىر ءتىلشىنىڭ جاساعان ەسكەرتۋى شامىنا قاتتى تيسە كەرەك، تورەعالي سۇحبات بەرۋدەن باس تارتادى. ءانشىنىڭ بۇل ارەكەتىن ەستىگەن ارىپتەستەرىنىڭ ءبىرى ونى قولداپ جاتسا، ەندى ءبىرى سىنعا الىپ جاتتى.

ءقىدىرالى بولمان، پروديۋسەر:  

- ءبىز ءبىر روبوت سياقتىمىز. جۇرەگىمىز جوق، ويلانبايتىن،  قينالمايتىن، جاعدايىمىز جوق  ادامدار سياقتىمىز دا،  مۇڭسىز، قايعىسىز،  ءار ادامنىڭ كوڭىل-كۇيى بولادى. 

مەرۋەرت تۇسىپبايەۆا، ءانشى:  

- مادەنيەتتى كوتەرىپ جۇرگەن  ايتىسقا قاتىسىپ جۇرگەن  مەن تۇسىنەمىن ەگەر ول ورىسشا جىگىت بولسا،  قازاق ءتىلىن جاقسى بىلەدى،  قىز بالاعا دورەكىلىك كورسەتكەنى مەنىڭ جۇرەگىمە اۋىر تيەدى.

ساحنادا 40 جىلدان استام ۋاقىت ونەر كورسەتكەن قازاقستاننىڭ ەڭبەك سىڭىرگەن ءارتىسى مايرا ىلياسوۆابۇگىنگى جاس ونەر يەلەرى سىندى ەركە مىنەزىمىزدى سىرتقا شىعارىپ كورمەپپىز دەيدى. ءتىپتى، تانىمال ەكەنىن ءانشى  ەندى عانا سەزىنىپ جۇرگەنىن جەتكىزدى.

مايرا ءىلياسوۆا، ءانشى:

- ءوزىمىزدىڭ اتاقتى ەكەنىمىزدى ەندى سەزىنىپ جاتىرمىز. سكل استانادان قاتتى بىلىنەدى. الماتىدا تۇرعانان كەيىن كۇندە كورىپ جۇرگەن سياقتى. ال، استانادا سىرتىڭنان جۇگىرىپ كەلەدى، سىرتىڭنان كەلىپ قۇشاقتايدى.

ءبىر كەزدەرى اتىنان ات ۇركەتىن «باۋىرجان - شوۋ» ءازىل-سىقاق تەاترىنىڭ بەلدى اكتريساسى باقىت الىپبايەۆا ءجيى داۋ-داماي شىعارىپ، «جۇلدىز» اتانىپ باسىنا قونعان باعىن باعالامايتىنداردى ەش تۇسىنە المايدى ەكەن.

باقىت الىپبايەۆا، «باۋىرجان-شوۋ» سىقاق تەاترىنىڭ اكتريساسى:

- بىزدە ونداي كوكىرەك كوتەرۋ، ءتىپتى جۇلدىز بولعاندى دا شىنىندا ايتساق سەزىنگەن دە جوقپىز.  

ءانشى مەرۋەرت تۇسىپبايەۆا ونەر جولىندا قازىرگىدەي دەڭگەيگە جەتۋ ءۇشىن ءبىراز قيىندىق كورگەنىن دە جاسىرمايدى.

مەرۋەرت تۇسىپبايەۆا، ءانشى:

- نە كيىپ شىعامىن دەپ جۇرەتىنبىز. قالتامىزدا اقشامىز جوق بولاتىن.

شوۋ-بيزنەسكە ءساتتى جوبالارىمەن وزگەرىس ەنگىزگەن پروديۋسەر ءقىدىرالى بولمانوۆ تا ءوزىن تىم قاراپايىم ۇستايتىن بولىپ شىقتى. 20 جىلدان بەرى شاش ۇلگىسىن تەك ءبىر عانا شاشتارازعا جاساتاتىنىن ايتادى. 

ءقىدىرالى بولمانوۆ، پروديۋسەر:

- نە قىلامىن ەكىنشى ادامدى،  اناۋ بارلىعىن بىلەدى دە.  جۇرەگىمدى دە، شارشاسام  باسىنان سىيپايدى.

ەلدىڭ سۇيىسپەنشىلىگى مەن سۇرانىسىنا يە بولىپ جۇرگەن شوۋ-بيزنەس وكىلدەرى  ءۇشىن قاسىقتاپ جيناعان ابىرويىن شەلەكتەپ توگۋ وڭاي. الايدا، كەيىن وزىنە ادال اتىن قايتارۋى الدەقايدا قيىن ەكەنى جاسىرىن ەمەس.