«ۋكراينانىڭ ورتالىعىنداعى پولتاۆسكايا وبلىسىندا ساقتاردىڭ وتىزعا جۋىق التىن بۇيىمى تابىلدى» دەپ حابارلايدى، «پولتاۆششينا» باسىلىمى. حاركوۆ ارحەولوگتارى وبلىستاعى كوتەليەۆسكيي اۋدانىنا جاتاتىن بەلسكوە قالاشىعىنان ساق داۋىرىنە جاتاتىن التىن زاتتاردى تاپقان. ساق قورعانىنان تاۋەشكى بەينەسىندەگى، ايەل اشەكەيى تۇرىندەگى التىن زاتتارمەن قاتار التىن ينەلەر دە شىققان.
بەلسكوە قالاشىعى ەرتە زاماندا گەلون دەپ اتالىپتى. ارحەولوگتار بۇل ءوڭىردى زەرتتەۋدى 110 جىل بۇرىن باستاعان ەكەن. وسى ۋاقىت ىشىندە ساق داۋىرىنە تيەسىلى وسىنشا مول التىن بۇيىم بۇرىن-سوڭدى كوزگە شالىنباعان. بيىل ارنايى قازبا جۇمىستارى كەزىندە ءبىر عانا قورعاننان وسىنشا كوپ التىن بۇيىمنىڭ شىققانىنا عالىمداردىڭ وزدەرى تاڭدانىپتى. ۋكراينا عالىمدارى بۇعان دەيىن بۇل قورعان بىرنەشە رەت تونالسا دا قازبا جۇرگىزۋ بارىسىندا توپىراقپەن بىرگە كوپ التىن بۇيىمداردىڭ ساۋىلداپ توگىلگەنىن ايتادى. ماماندار ۋكراينادان تابىلعان ساق جادىگەرلەرىن زەرتتەۋگە كىرىستى.
دانا قامشىبەك
