الماتى وبلىسى تالعار اۋداندىق سوتىنىڭ تەرگەۋ سۋدياسى باقىتبەك ەسەنتايەۆتى قاماۋعا الۋ مەرزىمىن ءبىر ايعا ۇزارتتى، - دەپ حابارلايدى Qamshy.kz.
«قاماۋدا ۇستاۋ تۇرىندەگى بۇلتارتپاۋ شاراسىنىڭ مەرزىمىن ۇزارتۋ تۋرالى سانكسيا 29 شىلدە، جۇما كۇنى قابىلداندى. كەلەسى كۇنى تالعار اۋداندىق سوتىندا ۇستاۋ مەرزىمىن وسى جىلدىڭ 10 قىركۇيەگىنە دەيىن ۇزارتۋ تۋرالى شەشىم قابىلداندى»، - دەپ حابارلايدى سوتتىڭ باسپا ءسوز قىزمەتى.
وسىلايشا ب. ەسەنتايەۆ 10 قىركۇيەككە دەيىن تالعاردىق تەرگەۋ يزولياتورىندا بولادى.
ونى قاماۋعا الۋ تۋرالى العاشقى سوت شەشىمى 13 ماۋسىمدا قابىلدانعان بولاتىن.
ب. ەسەنتايەۆقا العاشىندا ق ر قك-نىڭ 106-بابى (قاساقانا اۋىر دەنە جاراقاتىن سالۋ) بويىنشا ايىپ تاعىلىپ، كەيىن ول 99-باپ بويىنشا، ياعني، ادام ولتىرۋگە وقتالدى دەپ ايىپتالدى.
ب. ەسەنتايەۆتىڭ قولىنان جاراقات العان 42 جاستاعى كەلىنشەگى ب. ەسەنتايەۆا اۋرۋحانادان شىققان سوڭ، ەمىن گەرمانيادا جالعاستىرۋ تۋرالى شەشىم قابىلداعان.
