ريو-دە-جانەيرودا ءوتىپ جاتقان ءحححى وليمپيادا ويىندارىنىڭ بەسىنشى كۇنى قازاقستان قورجىنىنا العاشقى التىن مەدالدى سالعان اۋىراتلەت نيدجات راحيموۆ 1993 جىلى 13 تامىزدا ءازىربايجاننىڭ باكۋ قالاسىندا دۇنيەگە كەلگەن. قازىرگى تاڭدا قازاق سپورت جانە تۋريزم اكادەمياسىنىڭ 3 كۋرس ستۋدەنتى. نيدجاتتىڭ وسىعان دەيىن دە سپورتتا جەتكەن جەتىستىكتەرى از ەمەس. ول 2010 جىلعى مامىر ايىندا ۆالەنسيادا جاسوسپىرىمدەر اراسىندا وتكەن ەۋروپا چەمپيوناتىنىڭ ىرىكتەۋ كەزەڭىندە 290 كگ ناتيجەسىمەن ءبىرىنشى ورىن يەلەندى. 2010 جىلعى 17 تامىزدا سينگاپۋردە وتكەن جاسوسپىرىمدەر اراسىنداعى جازعى وليمپيادادا جەڭىمپاز اتاندى. جاتتىقتىرۋشىسى ەكى دۇركىن الەم چەمپيونى نيزامي پاشايەۆ بولاتىن. 2014 جىلدى تامىز ايىندا نيدجات ۇلتتىق قۇرامانىڭ اتىنان ونەر كورسەتۋگە كەلىسىپ، قازاقستان ازاماتتىعىن الدى. ەكى جىلدىق ديسكۆاليفيكاسيا اياقتالعان سوڭ، راحيموۆ قىتايدا وتكەن گران-پري جارىسىندا العاش رەت قازاقستان قۇراماسى اتىنان ونەر كورسەتىپ، 85 كەلىگە دەيىنگى سالماق ساناتىندا  4ء-شى ورىندى يەلەندى. 2015 جىلى قاراشادا حيۋستونداعى الەم چەمپيوناتىندا اۋىر اتلەتيكادان قازاقستان قۇراماسى ساپىندا الەم چەمپيونى اتاندى. اقش جەرىندە راحيموۆ سەرپە كوتەرۋدە قوسسايىس قورىتىندىسى بويىنشا ۇزدىك ناتيجە كورسەتتى.

مەملەكەت باسشىسى اۋىر اتلەتيكا سايىسىندا التىن مەدال يەلەنگەن اكادەميا ستۋدەنتى ن.راحيموۆتى قۇتتىقتاۋ جەدەلحاتىن جولدادى.            «قازاقستاندىقتار سەنىڭ ونەرىڭدى زور قىزىعۋشىلىقپەن جانە ۇلكەن ۇمىتپەن تاماشالادى. سەن ولاردىڭ ءۇمىتىن تولىق اقتادىڭ. جوعارى سپورتتىق شەبەرلىگىڭ، جانكەشتىلىگىڭ مەن اسقان ەرىك-جىگەرىڭ ساعان قيىن كۇرەستە مىقتى قارسىلاستاردى جەڭىپ شىعىپ، قازاقستاننىڭ وليمپيادالىق كومانداسىنا العاشقى التىن مەدالدى اپەرۋگە كومەكتەستى. سەنىڭ جەڭىسىڭ ەلدىڭ جاس سپورتشىلارى ءۇشىن لايىقتى ۇلگى بولارى انىق»، - دەلىنگەن جەدەلحاتتا.

نۇرسۇلتان نازاربايەۆ سپورتشىعا جاڭا جەڭىس پەن جەتىستىكتەر تىلەدى. 
ەسكە سالا كەتسەك، ريو-دە-جانەيرودا 77 كەلىدە ەرلەر اراسىندا ونەر كورسەتكەن اۋىر اتلەتىمىز قازاق سپورت جانە تۋريزم اكادەمياسىنىڭ 3 كۋرس ستۋدەنتى نيجات راحيموۆ قوسسايىستىڭ قورىتىندىسى بويىنشا 379 كەلى ناتيجەمەن التىن جۇلدەگە يە بولىپ چەمپيون اتاندى. چەمپيون اتانىپ قانا قويماي، سەرپە جاتتىعۋدا الەم رەكوردىن جاڭارتتى.