ون كۇن بۇرىن جوعالىپ كەتكەن استانالىق ستۋدەنت باقتيار جامانعارايەۆ قاراعاندىداداعى جالدامالى پاتەرلەردىڭ بىرىنەن تابىلدى، - دەپ حابارلايدى Qamshy.kz استانا قالالىق ءىىد باسپا ءسوز قىزمەتىنە سىلتەمە جاساپ.
"20 تامىزدا استانا قالالىق ءىىد جەدەل ۋاكىلدەرى جامانعارايەۆتىڭ قاراعاندى قالاسىنداعى جالدامالى باسپانادا ەكەندىگىن انىقتادى. ول جەدەل-ىزدەستىرۋ شارالارىنىڭ بارىسىندا تابىلدى. باستىسى امان-ەسەن. ءقازىر ول تۋىستارىمەن بىرگە. وعان قاتىستى زاڭعا قايشى ارەكەت بولمادى"، - دەپ حابارلادى قالالىق ءىىد باسپا ءسوز بولىمىنەن.
ەستەرىڭىزگە سالا كەتەيىك، 11 تامىز كۇنى استانادا قازاق گۋمانيتارلىق-زاڭ ۋنيۆەرسيتەتىنىڭ تۇلەگى باحتيار جامانعارايەۆ جوعالىپ كەتكەن بولاتىن. انىقتالعانىنداي، جىگىتتىڭ كولىگى لومباردقا تاپسىرىلعان. جوعالىپ كەتەردىڭ الدىندا باحتيار بۋكمەكەرلىك كەڭسەلەردىڭ بىرىندە ءباس تىككەن، ونىڭ قۇمار ويىندارعا اۋەس بولعانى دا بەلگىلى.
