بەلگىلى پروديۋسسەر سەرىك ابباس-شاح جاتتاپ لاۋ ءۇشىن قالتاسىنا سالىپ جۇرگەن قۇران سۇرەسى جازىلعان پاراقتىڭ كىر جۋۋ ماشيناسىنان قۇپ-قۇرعاق كۇيىندە شىققانىنا تاڭداندى، - دەپ حابارلايدى Qamshy.kz.

اۆتوردىڭ فەيسبۋك پاراقشاسىنا جازعان جازباسىن وزگەرىسسىز ۇسىنامىز:

"كەشە كەشكە زات كوتەرىپ ءجۇرىپ، سۇيىكتى شورتيگىمدى بىلعاپ الدىم. كيىم اۋىستىرىپ، الگىنى جۋۋعا بەرەر الدىندا (كەلىنشەگىمنىڭ كوزىنشە) قالتامدى اقتارىپ جاتىرمىن عوي. قۇجات، كىلت، قاعاز دەگەندەي... "بايلىقتىڭ" ءبارىن باسقا قالتاما سالىپ، جونىمە كەتتىم. 
... ... ...
- سەكەباي، ءوزىڭ تەكسەرگەن سوڭ، شورتيكتى سول قالپىمەن كىرجۋعىشقا سالعانمىن. 
- سوسىن...
- جۋىلىپ بولعان سوڭ، بالكونعا جايعالى تۇرسام، تومەنگى قالتاسىنان تاعى باسقا قاعازدار شىقتى. بايقاماي قالعانسىڭ عوي. قالتىڭدى ءوزىڭ اقتارعان سوڭ، ارى قاراي قاراماعان ەدىم. كەشىرشى...
- ەندى...
- ءبىر، ەكى قاعازىڭ ءبۇلىنىپتى. ءبىراق، قۇران جازىلعان قاعازعا ەشتەڭە بولماپتى. سول قۇپ-قۇرعاق قالپىندا.
- قالاي قۇرعاق؟
....
قىسقاسى بىلاي: التى-جەتى جىلداي ۋاقىت بولدى. فاتيxا سۇرەسىن جاتتايمىن دەپ نيەت قىلىپ، ونى كىشكەنتاي ءبىر قاعازعا ىڭعايلى بولسىن دەر باستىرىپ، قۇجاتىڭ اراسىنا سالعانمىن. سودان بەرى، (قايدا بارسام دا) قالتامنان تۇسكەن ەمەس. ارا-اراسىندا ەسكە ءتۇسىپ، (وقىپ) قايتالاعانمەن، كۇندەلىكتى داعدىعا اينالدىرا الماي جۇرگەنمىن. ەندى، مىنە... نە دەرىمدى بىلمەيمىن...
قاعازدىڭ سۋ ىشىنەن قۇرعاق شىققانى قىزىق بولدى. ەگەر باسقا بىرەۋدىڭ اۋزىنان شىقسا، اسىرە اڭگىمە بولار دەپ سەنبەس ەدىم. قۇدايدىڭ قۇدىرەتى دەپ قويدىم (ىشىمنەن)... مۇمكىن، بۇل ونىڭ كەزەكتى ەسكەرتۋى شىعار؟!"، - دەپ جازدى سەرىك ابباس-شاح.

پروبديۋسسەردىڭ بۇل جازباسى ءبىر ساعاتتىڭ ىشىندە سەگىز جۇزدەن استام ءلۇپىل جيناپ، جۇزگە جۋىق ادام بولىسكەن.