بەلگىلى پروديۋسسەر ءقىدىرالى بولمانوۆ «بۇرىن ءبىرىنشى وتباسى بولعان جانە ونىڭ ءبىرىنشى ايەلى - بۇرىنعى «ءاقجۇنىس» باعدارلاماسىنىڭ جۇرگىزۋشىسى ساۋلە ابەدينوۆا» دەگەن حالىق اراسىندا تارالىپ كەتكەن قاۋەسەت سوزدەردىڭ شىندىققا جاناسپايتىنىن ايتتى، - دەپ حابارلايدى Qamshy.kz nur.kz - كە سىلتەمە جاساپ.

جۇلدىزدى جۇپ ءقىدىرالى بولمانوۆ پەن قاراقات ءابىلدينا جەلىدە شاڭىراق كوتەرگەندەرىنە 17 جىل تولعانىن ايتىپ، بولىسكەن بولاتىن. ولار بۇدان 17 جىل بۇرىن الماتى قالاسىندا، ءدال تامىزدىڭ 20-ى كۇنى شاڭىراق كوتەرگەن-دى. بۇل تۋرالى ءقىدىرالى ءوزىنىڭ جەلىدەگى پاراقشاسىنا بىلاي دەپ جازدى:

«وسىدان 25-جىل بۇرىن بويداق بولاتىنمىن... ارمان، ماقسات كوپ...سول ارمانداردىڭ ەڭ باستىلارىنىڭ بiرi لايىقتى، تاربيەلi، اقىلدى، سابىرلى، سانالى، سۇلۋ، بiلiمدi - ەڭ باستىسى، ادال، نيەتى ءتۇزۋ، ءوزىڭدى تۇسىنە جانە باعالاي بىلەر، تۋعان-تۋىستارىڭمەن ءتىل تاۋىپ قۇرمەتتەي الار، ار، ابىرويىڭدى ساقتاي الار، بالالارىڭنىڭ اناسى بولا الاتىن، جانىڭا جار تابۋ...».

بولمانوۆتىڭ ايتۋىنشا، قاراقاتقا دەيىن ونىڭ جۇرەگىنەن ۇمىتكەر نەبىر حاس سۇلۋلار بولعان. ءتىپتى، باستىق اكەلەردىڭ وزدەرى وعان كەلىپ، قىزدارىن بەرمەككە ۇمتىلىپ، وعان «قۇدا تۇسپەكشى» دە بولعان ەكەن. ولار انشىگە ءۇي دە، جۇمىس تا، مانساپ تا اپەرەمىز دەپ ۋادە ەتكەنىمەن، ءقىدىرالى ولارعا بۇرىلىپ تا قاراماعان كورىنەدى. «بiراق قانشا سۇلۋ بولسا دا، سول سۇلۋلاردىڭ ەشقايسىنا بۇرىلا المادىم... ماعان ءومiرلiك جار بولاتىن قىزدى كورە دە، سەزە دە المادىم...»، - دەيدى ول.

وسىلايشا، ول ومىرلىك جارى قاراقاتتى كەزدەستىرگەن كەزدە، ەكى ساعاتتىڭ ىشىندە ونىڭ وزىنە لايىق ادام ەكەنىن تۇسىنگەنىن ايتادى. بولاشاق جارىن ءوزى ىزدەپ بارىپ، جاتاقحانادان قالاي تاۋىپ الىپ، ونىمەن قالاي شاڭىراق كوتەرگەنىنە دەيىن بايانداپ بەردى ءانشى. جەلى قولدانۋشىلارىنىڭ دەنى ولاردى وسى قۋانىشتى مەرەيتويىمەن قۇتتىقتاپ، باقىتتى عۇمىر تىلەدى. دەگەنمەن، قولدانۋشىلار اراسىنان ءقىدىرالىنىڭ ءبىرىنشى وتباسى بولعان دەگەن كەتكەن قاۋەسەت سوزدەرگە قاتىستى تۇسىنىك بەرۋدى تالاپ ەتكەن قولدانۋشىلار دا بولدى.

«قۇتتى بولسىن اعا! جاساي بەرىڭىز، جارىن قۇرمەتتەگەن ازامات بولسا سىزدەي-اق بولسىن! ەڭبەگىڭىز جانسىن! ءبىر سۇراق قويعىم كەلدى، ايىپ ەتپەڭىزشى... «ايەل باقىتى» باعدارلاماسىنا كەزىندە «ءاقجۇنىس» باعدارلاماسىن جۇرگىزگەن ساۋلە ابەدينوۆا قوناققا كەلگەندە ءلايلا سۇلتان قىزى وعان «ءسىز ءقىدىرالى بولمانوۆتىڭ ءبىرىنشى ايەلى دەگەن ءسوز بار» دەپ سۇراق قويدى. سول قانشالىقتى راس؟»، «اعا ءسىزدى كوبى قاراقاتقا دەيىن ۇيلەنگەن بولاتىن دەپ ايتادى، وسى سۇراققا ءوز اۋزىڭىزدان جاۋاپ ەستىسەك. «ايەل باقىتىندا» ساۋلە حانىم كەلگەندە ءسىز سول كىسىنىڭ ءبىرىنشى كۇيەۋى دەپ كوپ ايتىلعان بولاتىن»، - دەگەن سۇراق قويدى انشىگە جەلى قولدانۋشىلارى.

تىڭدارماندارىنىڭ مۇنداي سۇراقتارى مەن كوپتەن تارالىپ كەتكەن قاۋەسەتتەر ءانشىنىڭ اشۋىنا ءتيىپ كەتكەنگە ۇقسايدى. ول بۇل قولدانۋشىلارعا وسەك-اياڭ تاراتۋ دەگەن اۋىر كۇنا ەكەنىن ايتىپ، ولاردى سىننىڭ استىنا الدى.

«ونى ءلايلا مەن ساۋلەگە قويىڭىز. ساۋلەگە ەشقاشان ۇيلەنگەن ەمەسپiن. اللا ساقتاسىن، نە دەگەن فانتازيا؟»، - دەپ تاڭداندى ءانشى.

«وسەك-اياڭ تەرiپ جانە ونى شىعاراتىندار، وتە ۇلكەن كۇنا جيناۋشىلار...ايەل ادام بوتەن ەركەككە سۇراق قويۋعا، ءجون سiلتەۋگە ەشقانداي قاقىسى جوق... مەن ەركەكپiن، توقال الامىن با، العىم كەلسە ەشكiمنەن سۇرامايمىن. العىم كەلمەسە، ەشكiم الدىرا المايدى! نامىسىم دا، ءسوزiم دە كەسەك ەكەنiن 25-جىل كوز الدارىڭىزدا ءوسiپ كەلەمiن، تۆ-دان تۇسكەن ەمەسپiن، مەنiڭ جىلتىربەت، ۇرلانىپ جۇرمەيتiن ەركەك ەكەنiمە ساناڭىز ارقىلى ساراپتاساڭىز كوزiڭiز ابدەن جەتiپ تۇر. سوندىقتان مەنiڭ جەكە ءومiرiمدە، جانۇيامدا شارۋالارىڭىز بولماسىن. جانە مەندە تاستاپ كەتكەن بالا-شاعا جوق. العاشقى اق نەكەلi جارىم دا قاراقات. جاڭاعى ساۋلە، ءلايلالاردىڭ اڭگiمەسiنە ەش قاتىسىم جوق!»، - دەدى اشۋلانعان ءانشى.