قازاقستاندىق توقالدار قالتالى ەرلەردى قالاي پايدالاناتىنىن اشىق ايتىپ بەردى، - دەپ حابارلايدى Qamshy.kz NewTimes.kz - كە سىلتەمە جاساپ.
ەگدە جاستاعى ازاماتپەن قۇشاقتاسىپ كەتىپ بارا جاتقان جاس قىزدى كورۋ بۇگىندە تاڭسىق بولماي كەتتى. وسى ورايدا، قارتتارعا توقال بولعان كەلىنشەكتەر وزدەرىنىڭ تاڭداۋلارىن تۇسىندىرۋگە تىرىستى.
21 جاستاعى مادينا ءوزىنىڭ توقال بولۋىن بالالىق شاعىندا اتا-انا قامقورلىعىنىڭ جەتىسپەۋشىلىگىنەن كورەدى. ول ءوزىنىڭ ەگدە جاستاعى ازاماتپەن كوڭىل قوسقانىنان ەش ابەستىك كورمەيتىنىن العا تارتتى.
«17 جاسىمنان-اق مەن ەرەسەك ەرلەردى ۇناتاتىنمىن. وزىمنەن جاسى ۇلكەن ازاماتپەن بولۋدى قالايتىنمىن. اكەسىز وسكەسىن، ماعان ەرەسەك جاننىڭ قورعانىش بولعانى جەتىسپەدى. انام وزگە ەركەكپەن تۇرىپ جاتقاسىن، ءوزىمدى بوتەن ادام سەزىنەتىنمىن»، — دەيدى ول.
«مەن ونى كلۋبتا جولىقتىردىم. جاسىم 19-دا ەدى. ال ول 25 جاسقا مەنەن ۇلكەن. سەمەيدەگى ءىرى كاسىپكەر بولعاندىقتان، ونى ءبارى تانيدى. ءبىزدىڭ كەزدەسىپ جۇرگەنىمىزگە ەكى جىل بولدى. ول ايەلىن سۇيمەيدى، ال ايەلى مەن تۋرالى مۇلدەم حابارسىز. ول سۇيكىمسىز كارى شال ەمەس، ءوزىن سپورتزالدان شىقپاي كۇتىنەتىن بەدەلدى ازامات. ءبىز تەك توسەك قاتىناسىن ەمەس، رۋحاني قاتىناستى دا ۇستانامىز. ايەلى - شۋ شىعارعىش مىستان كەمپىر. ول ايەلىنىڭ كەزەكتى جانجالىنان شارشاپ، ماعان كەلەدى. ءبىراق ەكى ۇلى بولعاسىن وتباسىن تاستاۋدى سۇراعان ەمەسپىن»، - دەيدى بويجەتكەن.
«قۇربىلارىم دا وتباسىلى ەرلەرمەن كەزدەسەدى. شارشاپ، جۇمىس ىستەۋدىڭ نە قاجەتى بار؟ ءبىزدىڭ ماقسات - قاشان دا سۇلۋ بولۋ. سەگىزىنشى ناۋرىز جانە جاڭا جىلدا ول قاشان دا ايەلىنىڭ قاسىندا. الايدا جەتىنشى ناۋرىز بەن 30-شى جەلتوقساندا مەنىمەن بىرگە. تۋعان كۇنىن ول مەنىمەن بىرگە وتكىزەدى. مەنىمەن ءوزىن جۇماقتا جۇرگەندەي سەزىنەدى. ماعان جاقسى ەكى بولمەلى پاتەر جالداپ بەردى. Lexus GS 350 كولىگىن سىيلادى. مەن وزىمە كۇتىم جاساپ، ول ءۇشىن سۇلۋ بولىپ ءجۇرۋىم كەرەك. بۇعان ايىنا شامامەن 150 مىڭ تەڭگە كەتەدى. ونى دا كۇيەۋىم ءوز قالتاسىنان تولەيدى. قاراپايىم ايەلىنە فيانيت قانا سىيلاسا، مەنى بريلليانتتارمەن كومكەرەدى. قالاعان كيىمىمدى كيىپ، قىزدارمەن كوڭىل كوتەرەمىن»، - دەپ ماقتاندى ول.
بولاشاعى تۋرالى سۇراققا ول "ۇل بالا تاۋىپ بەرسەم، ەشتەڭەدەن تارىقپايتىن بولامىن" دەپ جاۋاپ قايتاردى.
«ماعان ءبارى ۇنايدى. ەشكىم ميىمدى اشىتپايدى. كەز-كەلگەن بويجەتكەن ءوز قالاۋىنشا ءومىر سۇرگىسى كەلەدى. ول ماعان قاشان دا جىلى سويلەيدى. ال ايەلىمەن قالاي سويلەسەتىنىن ەستىگەنىمدە، ونى اياپ كەتتىم. مەن ونى ايەلىن تاستاۋعا ۇگىتتەمەيمىن. ال ماحابباتتىڭ ماڭىزى جوق. ول تەك قيىندىقتار تۋدىرادى. ەركەكتەردى پايدالانۋ كەرەك. ال پايدالانا المايتىندار - ناعىز اقىماقتار»، - دەپ ءتۇيدى بويجەتكەن.
25 جاستاعى اسەل ەسىمدى بويجەتكەن دە توقال ەكەنىن جاسىرمادى.
«23-كە دەيىن مەن ەشبىر ەردى قاسىما جولاتقان ەمەسپىن. قاراعاندىدان استاناعا كوشىپ كەلگەنىمدە، اقشادان تارشىلىق كوردىم. مەن وزىمە كومەك بەرەتىن قالتالى ازاماتتى تاپقىم كەلدى. ءبىر كومپانياعا جۇمىسقا تۇرۋعا بارعانىمدا، ونىڭ باسشىسىنا ۇناپ قالعانىمدى بىردەن ءتۇسىندىم. وعان كوپ ۇزاماي پاكتىگىمدى سىيلادىم. ءبىز بىرگە الەم ارالاپ، كوڭىل كوتەرەمىز. ءۇش بالاسى بار وتباسىلى ازامات ەكەنىن باسىنان-اق ءبىلدىم. دەگەنمەن ول مەنى سۇيەدى. ماعان كولىك پەن پاتەر ساتىپ الىپ بەردى. مەن Range Rover كولىگىن قالادىم، ال ول ماعان Mercedes ساتىپ الدى. ءتىپتى مەنى تاستاپ كەتەتىن بولسا دا، مەن ۇتىلىپ وتىرعان جوقپىن. ءبىراق كەتە قويماس، سەبەبى ودان جۇكتىمىن. بۇنداي جايتتار كوپتەپ كەزدەسەدى. ال بۇعان كۇيەۋىن وسىنداي كۇيگە جەتكىزگەن ايەلدەردىڭ ءوزى كىنالى»، - دەيدى اسەل.
22 جاستاعى ايزادا بولسا، 48 جاستاعى ەر اداممەن كوڭىل قوسقان.
«مەنى جىگىتتەر مەزى ەتتى. مەن ءتارتىپتى بولىپ، وزىممەن جاستى ادامعا نەمەسە بىر-ەكى جاس ۇلكەن جىگىتكە تۇرمىسقا شىققىم كەلدى. الايدا بۇگىندە لايىقتىلار جوق بولىپ شىقتى. جاسى 25-كە جەتسە دە، كوبى اتا-اناسىنىڭ ارقاسىندا كۇن كورىپ وتىر. ۇيلەنۋگە دە، جۇمىس ىستەۋگە دە قۇلىقتارى جوق. سوندايلاردىڭ بىرىنە بەس جىلىمدى سارپ ەتتىم. كەيىن شارشاپ كەتتىم»، - دەيدى ايزادا.
«ۇلىمنىڭ اكەسىمەن Louis Vuitton بۋتيگىندە تانىستىم. ادەيى وسى بۋتيككە تەك قالتالىلار كەلەتىنىن ءبىلىپ، جۇمىسقا تۇردىم. مەن مودەل بولا الاتىن ەدىم، ۇسىنىستار كوپ بولاتىن. الايدا مەن قاسىمدا جاقسى ەردىڭ بولعانىن قالادىم. ءبىرىنشى رەت كەلگەنىندە، ايەلىنە سومكە تاڭداۋعا كومەكتەستىم. كەيىن وزىنە بەلبەۋ ساتىپ الۋعا تاعى كەلدى. بەلبەۋدى كيىم ولشەيتىن جەردە شەشە الماعانداي بولىپ، مەنى شاقىرىپ الدى. سولاي قارىم قاتىناسىمىز باستالىپ، ءۇش ايدان كەيىن مەن جۇكتى بولىپ قالدىم. ۇل تۋىپ بەردىم. ونىڭ ەكىنشى پاتەرىندە تۇرىپ جاتىرمىن. مەن وعان ايەلى سىيلاي الماعان ۇلدى تاۋىپ بەردىم. سول سەبەپتى، ول ءبىزدى تاستامايدى. ايەلى مەن تۋرالى ءبىلىپ قويدى. دەگەنمەن جەڭىلۋدى بىلەتىن اقىلدى ايەل ەكەن، ەش شۋ شىعارمادى. مەن دە انا بولعاندىقتان، كۇيەۋىمە تولىق قۇقىم بار. بالكىم ولار اجىراسىپ كەتەر، ءبىراق مەن ونى قالامايمىن»، - دەپ اقتالدى بويجەتكەن.
