قوسسەيىت اۋىلىندا سوڭعى ۋاقىتتا ءجۇزىم ءوسىرىپ، ۇيىنەن جىلىجاي سالۋشىلار قاتارى مولايىپ تۇر، - دەپ حابارلايدى Qamshy.kz.

اۋدان اكىمى ارمان ابدۋللايەۆ بىلتىردان باستاپ بارلىعى 13 گەكتار القاپقا ءجۇزىم اعاشىن وتىرعىزىپ جاتقان قابىلان جۇمابەكتىڭ شارۋاشىلىعىن ارالاپ كوردى. جاپىراعىن جايقالتىپ ۇلگەرگەن باۋدىڭ ءوسىمى جاقسى كورىنەدى ەكەن. بۇگىنگى كۇننىڭ تالابى – كووپەراتيۆكە بىرىگە وتىرىپ، مەملەكەت تاراپىنان بەرىلەتىن كوپتەگەن جەڭىلدىكتەردى پايدالانۋ بولىپ تابىلاتىنىن جەتە ۇعىنعان قابىلان مىرزا بۇل جۇمىستا كەزدەسەتىن قيىندىقتاردى دا ايتىپ ءوتۋدى ۇمىتپادى. قوجالىق يەسىن مۇقيات تىڭداعان اۋدان باسشىسى پروبلەمالار بويىنشا جۇمىس جۇرگىزەتىنىن دە ايتتى.

وڭتۇستىك قازاقستان وبلىسىنا قاراستى شاردارا اۋدانىنىڭ تۇرعىنى، كاسىپكەر ءنادىر قوسانوۆتىڭ وتباسى بۇگىندە جىلىجايدىڭ جايىن جاساپ، ساپالى ەڭبەك ناتيجەسىن كورسەتۋگە بار كۇش-جىگەرلەرىن سالىپ جاتقانىدارىن ايتادى. ايتۋلارىنشا، ەبەكتىڭ نانى ءتاتتى، تابىستارى دا جامان ەمەس كورىنەدى.

ايتا كەتەيىك، بۇل اۋداندا ءوز الدارىنا جۇمىس جاساپ، تابىس تاباتىن شارۋلار بۇگىندە كۇن ساناپ كوبەيىپ كەلەدى ەكەن.

اۋدان اكىمى ۇيىرگەلىك جىلىجاي كولەمىن ودان ءارى ۇلعايتىپ جاتقان ءنادىر قوسانوۆتىڭ تىرلىگىنە ريزا بولدى. العاشىندا 10 سوتىق جەرگە جىلىجاي جاساپ، كوك-سوك ەككەن قوسانوۆتاردىڭ وتباسى ءونىمدى وزىنەن شىعارسا كول-كوسىر پايدا بولاتىنىنا كوزدەرى جەتكەن ەكەن. سوندىقتان دا بيىل تاعى دا اۋلاسىنداعى جىلىجاي كولەمىن كەڭەيتىپتى. الداعى ۋاقىتتا اتامۇراعا العان جەرىنەن 50 سوتىق جەرگە جىلىجاي جاساپ، اۋىلدى كوگەرگەنمەن قامتاماسىز ەتۋگە تاۋەكەل جاساپ وتىرعان ءنادىر قوسانوۆتىڭ ەڭبەكقورلىعى باسقالارعا ۇلگى بولاتىن تىرلىك ەكەنىن اۋدان باسشىسى اتاپ كورسەتتى.