وڭتۇستىكتىڭ اۋىل شارۋاشىلىعى قارقىندى ءوسۋ ۇستىندە. «سىباعا»، «قۇلان»، «التىن اسىق» باعدارلامالارىن جۇزەگە اسىرۋدا اتقارىلعان جۇمىستار وعان دالەل. ءىرى قارا، جىلقى، ۋاق مال تۇقىمىن اسىلداندىرۋ ءىسى جاقسى جولعا قويىلعان.

ماسەلەن، سيىردى اسىلداندىرۋ جوسپارى 74 مىڭ بولسا، سونىڭ بيىل 18 پايىزى قامتاماسىز ەتىلدى، ۋاق مال بويىنشا 200 پايىز جۇزەگە استى.

س.ءابجالوۆتىڭ «سەرالى»، ت.جانىسبايەۆتىڭ «سابىر»، و.اتاشوۆتىڭ «ورتاي»، ب.جۇمابايەۆتىڭ «بەكزاتباق» شارۋاشىلىقتارى جىلقى وسىرۋگە دەن قويعان.

«ورداباسى قۇستىڭ» داڭقى بۇگىندە رەسپۋبليكا كولەمىنەن اسىپ كەتكەن. وندا 8100 توننا قۇس ەتى وندىرىلسە، 2020 جىلعا قاراي 20 مىڭ تونناعا جەتكىزۋ مەجەلەنگەن. وتباسىلىق مال بورداقىلاۋ الاڭدارىن، ءسۇت فەرمالارىن وركەندەتۋ دە كەڭىنەن قانات جايىپ كەلەدى. 237 تۇرعىن 550 ملن تەڭگە جەڭىلدەتىلگەن نەسيە الىپ، جۇمىس ىستەۋدە. بۇل شارۋا قوجالىقتارىنىڭ ەڭبەگى ەلەنىپ، كاسىبى ورگە دومالاپ جاتقاندىعىن كورسەتەدى.