ق ر ۇكىمەتىنىڭ سەلەكتورلىق وتىرىسى بارىسىندا اۋىل شارۋاشىلىعى ۆيسە-مينيسترى قايرات ايتۋعانوۆتىڭ بايانداماسىن تىڭداعاننان كەيىن كارىم ءماسىموۆ وسىنداي تاپسىرما بەردى.

اۋىل شارۋاشىلىعى ۆيسە-مينيسترى ق. ايتۋعانوۆ پرەمەر-مينيسترگە ايماقتارداعى استىق جيناۋ ناۋقانىنىڭ بارىسى جايلى باياندادى.

9 تامىزداعى جاعداي بويىنشا قازاقستاننىڭ وڭتۇستىك جانە باتىس ايماقتارىنداعى وبلىستاردا (بقو، وقو، اقتوبە، الماتى، جامبىل جانە قىزىلوردا وبلىستارىندا) 703،2 مىڭ گا القاپتان 1 539،3 مىڭ توننا استىق تارتىلدى. استىق داقىلدارىنىڭ ورتاشا تۇسىمدىلىگى ءبىر گەكتاردان 21،9 سەنتنەردى قۇرادى، بۇل الدىڭعى جىلدارداعى سايكەس كورسەتكىشتەردەن 4،7 س/گا ارتىق.

ق.ايتۋعانوۆ ايتىپ وتكەندەي، تامىز ايىنىڭ باسىنا جالپى ەگىس اۋدانى 5،1 ملن گا بولاتىن 2 567 اوك سۋبەكتىلەرىنەن 58،9 ملرد تەڭگە سوماعا 1 853 ءوتىنىم قارجىلاندىرىلدى. تەحنيكا مەن استىق قابىلداۋ پۋنكتتەرى جاپپاي استىق جيناۋعا جانە قابىلداۋعا دايىن.

ۇەم ستاتيستيكالىق مالىمەتتەرىنە سايكەس 1 شىلدەدەگى جاعداي بويىنشا رەسپۋبليكادا 3،5 ملن توننادان استام استىق بولدى، ونىڭ ىشىندە ازىق-تۇلىك استىعى – 3 ملن توننا.

«بارلىعى استىق جيناۋ ناۋقانىن باقىلاۋدا ۇستاۋى ءتيىس. قاجەت بولعان جاعدايدا كەڭەس وتكىزىپ، جۇمىس توپتارىن جيناپ، بايانداڭىزدار، ءقازىر ءپىسىپ جاتقان الەۋەتى زور استىقتى جيناپ، ساقتاپ جانە تۇتىنۋشىعا جەتكىزۋىمىز كەرەك»، - دەپ باسا ايتتى پرەمەر-مينيستر.

وبلىستىق اۋىل شارۋاشىلىعى باسقارمالارىنىڭ مالىمەتىنشە، 2016 جىلى بارلىق اۋىل شارۋاشىلىعى داقىلدارىنىڭ ەگىس القاپتارى 21،7 ملن گا قۇرادى، ونىڭ ىشىندە ءداندى داقىلدار – 15،2 ملن گا، اتاپ ايتقاندا بيداي – 12،2 ملن گا. مايلى داقىلدار 1،9 ملن گا القاپقا، جەمشوپ – 4 ملن گا، ماقتا – 109،3 مىڭ گا، قانت قىزىلشاسى – 12،1 مىڭ گا، كارتوپ جانە كوكونىس-باقشا داقىلدارى – سايكەسىنشە 183،7 جانە 230 مىڭ گا وتىرعىزىلدى.

سونىمەن قاتار، 2015 جىلمەن سالىستىرعاندا بيدايعا ارنالعان القاپتار 441،4 مىڭ گا-عا، ءداندى-بۇرشاقتى داقىلدار – 26،3 مىڭ گا-عا، ماقتا – 10،1 مىڭ گا-عا، قانت قىزىلشاسى – 2،7 مىڭ گا-عا ۇلعايتىلدى.