وڭتۇستىكتە 3 جىلدا 32 مىڭ وتباسىلىق يۋورداقىلاۋ الاڭى اشىلۋى ءتيىس، - دەپ حابارلايدى Qamshy.kz
اۋىل شارۋاشىلىعى ءمينيسترى اسقار مىرزاحمەتوۆ وقو اكىم بولىپ تۇرعاندا ايماقتا قولعا الىنعان شارۋا - شاعىن قوسالقى شارۋاشىلىقتار قۇرۋ مەن رەسپۋبليكالىق دەڭگەيدە وتباسىلىق بورداقىلاۋ الاڭدارىن اشۋ بولاتىن. جۇمىس ىستەۋ، ياعني جۇزەگە اسىرۋ ءپرينسيپى وتە قاراپايىم.
كادىمگى قوراڭىزعا مەملەكەتتەن سۋبسيديا الۋ ارقىلى 10-15 ءىرى قارا ساتىپ الىپ، 6 اي بورداقىلاپ، ەتكە وتكىزىپ وتىراسىز، ءبىتتى. ول ءۇشىن ءىرى شارۋاشىلىقتاردان 495 مىڭ باس بۇقاشاقتار دا دايىن تۇر دەگەن ءسوز. يسابەك ۇلىنىڭ ەسەبى بويىنشا الداعى 3 جىلدا 32 مىڭ وتباسىلىق بورداقىلاۋ الاڭى اشىلۋى ءتيىس. بۇل قوسىمشا 100 مىڭ توننا ەت وندىرۋگە مۇمكىندىك بەرەدى ەكەن. ورتاشا ەسەپپەن 65 مىڭنان استام ادام تۇراقتى جۇمىسپەن قامتىلادى ەكەن.
وڭتۇستىك قازاقستان وبلىسىندا مال شارۋاشىلىعىمەن اينالىسۋشىلار مەملەكەتتەن سۋبسيديا الۋ ءۇشىن الدىمەن ەڭبەكتەرىنىڭ ساپاسىن كورسەتۋى ءتيىس. ول ءۇشىن وڭتۇستىك قازاقستاندىڭ مال شارۋالارى ساننان ساپاعا كوشىپ، الدىن الا اسىل تۇقىمدى مال الۋ ءۇشىن، بورداقىلاۋ جۇمىستارىنىڭ باسىن باستاپ تا ۇلگەرگەن. ەندى مەملەكەتتىك سۋبسيديانى كۇتۋ قالدى دەيدى شارۋالار.
ەگەر وسى باعدارلاما جۇزەگە اسسا، جىل سايىن جەرگىلىكتى بيۋدجەتتەرگە 3 ملرد. تگ. سالىق تۇرىندە ءتۇسىم تۇسەدى ەكەن. مەملەكەتتەن سۋبسيديا الۋ ارقىلى 10-15 ءىرى قارا ساتىپ الىپ، 6 اي بورداقىلاپ، ەتكە وتكىزىپ وتىراسىز، ءبىتتى. ول ءۇشىن ءىرى شارۋاشىلىقتاردان 495 مىڭ باس بۇقاشاقتار دا دايىن تۇر.
