يراكتا بۇتىندەي ەلدى مەكەندەردى قىرىپ-جويعان سودىرلار ءولىم جازاسىنا كەسىلدى. قارۋلى قاقتىعىس كەزىندە قولعا تۇسكەن 36 باسكەسەردى جەرگىلىكتى بيلىك جۇرتتىڭ كوزىنشە دارعا استى، - دەپ حابارلايدى Qamshy.kz كتك ارناسىنا سىلتەمە جاساپ.
دايش ۇيىمىنىڭ بۇل جەندەتتەرى بەيبىت تۇرعىنداردان بولەك، جاۋىنگەرلەردىڭ دە قانىن سۋشا اعىزعان. ولار جاساعان جارىلىستاردان ەلدىڭ سولتۇستىگىندە 1700 سارباز ولگەن بولاتىن. كوپتەن بەرى ۇستاتپاي جۇرگەن باسكەسەرلەر اقىرى اسكەردىڭ قولىنا ءتۇسىپ، يراك بيلىگى ولاردى بىردەن ءولىم جازاسىنا كەستى. ءسويتىپ، ولار ناسيريا تۇرمەسىندە دارعا اسىلدى. ۇكىمدى ورىنداۋ بارىسىن لاڭكەستەردىڭ قولىنان قازا تاپقانداردىڭ تۋعاندارى دا كەلىپ كوردى.
