قاسيەتتi قازىعۇرت تاۋىنىڭ ەتەگiندەگi باعباندار دا بۇل باعىتتا جەمiستi ەڭبەك ەتiپ كەلەدi. قازىعۇرتتىقتار بىلتىر 1950 گەكتار جەرگە باۋ ەگiپ، 28590 توننا ءونiم جيناعان. بيىل الما باۋىنىڭ كولەمi 300 گەكتارعا ۇلعايىپ وتىر. سونىمەن كوپ جىلدىق ەكپەلەر 2250 گەكتارعا جەتتi. قازىعۇرت اۋدانىنداعى «امانگەلدi» ج ش س 530 گەكتار جەرگە باۋ، 120 گەكتار جەرگە ءجۇزiم ەكتi. سەرiكتەستiك 276،2 ميلليون تەڭگەگە سىيىمدىلىعى 2 مىڭ توننالىق جەمiس-جيدەك جانە كوكونiس قويماسىن iسكە قوستى.

وڭتۇستىك قازاقستان وبلىسىنا قاراستى قازىعۇرت اۋدانىنىڭ باعباندارىنىڭ كوپ جىلدىڭ ەڭبەكتەرى 2250 گەكتارعا جەتكەنىمەن، باعباندار جۇمىستىڭ سانىنا ەمەس، ساپاسىنا كوڭىل بولەتىندەرىن ايتتى. ايتۋلارىنشا، دارىلەنگەن ونىمدەردەن تازا باعباندىق ءونىم وتاندى ءونىمنىڭ ساپاسىن ارتتىرىپ، ەل ەكونوميكاسىنا ۇلەس قوسۋدىڭ بىردەن ءبىر جولى دەيدى باعباندار.

اۋدان كولەمiندەگi اگروقۇرىلىمداردى ساپالى جەمiس-جيدەك ەكپەلەرiنiڭ كوپجىلدىق كوشەتتەرiمەن قامتاماسىز ەتۋ ماقساتىندا «امانگەلدi» ج ش س «تۇقىمباق» مارتەبەسiن العان ەدi. بيىل 1،4 ميلليون كوشەت ءوندiرiپ، وبلىستاعى بارلىق شارۋاشىلىقتارعا ساتقان.

سەرiكتەستiك 2017 جىلى 1،8 ميلليون ءتۇپ كوشەت دايىنداۋدى جوسپارلاپ وتىر. اتالعان تۇقىمباقتا «گولدەن دەليشەس»، «رەنەت سەميرەنكو»، «ستاركريمسون» سورتتى المالارى، «يسپولينسكايا» سورتتى القورى، «چەمپيون»، «ەلبەرتا» سورتتى شابدالى، «تايفي روزوۆىي»، «كيش-ميش چەرنىي» سورتتى ءجۇزiم كوشەتتەرi ءوسiرiلەدi. قازىعۇرت اۋداندىق اۋىل شارۋاشىلىعى جانە جەر قاتىناستارى ءبولiمiنiڭ باس مامانى مارات جولداسوۆتىڭ ايتۋىنشا، بىلتىر سەرiكتەستiككە مەملەكەت تاراپىنان ءوسiرگەن كوشەتتەر ءۇشiن 45 ميلليون تەڭگە سۋبسيديا تولەنگەن.