اقتاۋ پوليسەيلەرى تۇرعىنداردان 6 جاسار قىزدى زورلادى دەلىنگەن كۇدىكتىنى ىزدەستىرۋ جۇمىستارىنا كومەكتەسۋىن سۇرايدى، - دەپ حابارلايدى "لادا".

وسىعان بايلانىستى اق ءتۇستى Daewoo Nexia ماركالى كولىك ىزدەستىرىلىپ جاتىر. "20 تامىزدا، سەنبى كۇنى شامامەن ساعات 12.00-دەن 13.00-گە دەيىن ەر ادام ءبىرىنشى ىقشاماۋداننىڭ № 29 ۇيىنەن 6 جاسار قىزدى "پريمورسكيي" اۋىلىنا قاراي الىپ كەتكەن. بالانى قورلاپ، تاستاپ كەتكەن. وسى ۋاقىتتا سول اۋداندا بولعان نەمەسە جاعاجايدان قايتىپ بارا جاتقان ادامداردان ۆيدەوتىركەگىشتەرىن قاراپ شىعۋىن سۇرايمىز. ەگەر سىزدە قانداي دا ءبىر اقپارات بولسا، حابارلاسۋىڭىزدى سۇرايمىن. ەر ادام بولجام بويىنشا، مۇرتتى، شامامەن 35-45 جاس ارالىعىندا"، - دەدى اقتاۋ ءىىب باسشىسىنىڭ ورىنباسارى اسحات وماروۆ.

ەسكە سالايىق، اقتاۋدا 20 تامىزدا № 1 ىقشاماۋداندا 6 جاسار قىز جوعالىپ كەتكەن بولاتىن. ال كەشە، 22 تامىزدا 6 جاسار قىزدىڭ زورلانۋى دەرەگى بويىنشا تەرگەۋ باستالدى.