وڭتۇستىك قازاقستان وبلىسىندا جىل سوڭىنا دەيىن «بەرەكە» باعدارلاماسى بويىنشا مىڭعا جۋىق وتباسىلىق شاعىن مال بورداقىلاۋ الاڭى اشىلماق.

سول ءۇشىن «جۇمىسپەن قامتۋ-2020 جول كارتاسى» اياسىندا 7 ملرد 200 ملن تەڭگە بولىنگەن. «بۇل بىلتىرعا قاراعاندا 4 ەسە كوپ»، - دەيدى «اۋىل شارۋاشىلىعىن قارجىلاي قولداۋ قورى» وكىلدەرى. جىل باسىنان بەرى وبلىس بويىنشا 2،5 ملرد تەڭگەدەي قارجىعا 913 جوبا قارجىلاندىرىلعان. باعدارلاما اياسىندا بەرىلگەن شاعىن نەسيەنىڭ 70%-ى مال شارۋاشىلىعىن دامىتۋعا جۇمسالىپ وتىر. بيىل 8 مىڭعا جۋىق ءىرى قارا ساتىپ الىنباق. نەگىزىنەن ۇيىرگەلىك شارۋاشىلىقتارعا 3 ملن تەڭگەگە دەيىن تومەن پايىزبەن نەسيە بەرىلەدى.

وتباسىلىق بيزنەس وكىلدەرى وندىرگەن ونىمدەرىن ءارى قاراي نارىققا شىعارۋعا ىقپال ەتەتىن كووپەراتيۆ قۇرۋ ماسەلەسى دە شەشىلىپ قويعان. ولارعا 50 ملن تەڭگەگە دەيىن قولداۋ كورسەتىلەدى. 

ءابدىسامات يبراگيموۆ، فەرمەر:

- 2020 باعدارلاماسى بويىنشا جەڭىلدەتىلگەن 6%-دىق نەسيە الىپ وتىرمىن. ءقازىر ول اقشاعا 18 باس ءىرى قارا مال الدىم. قۇداي قالاسا، ونى 5-6 ايدا باپتاپ-كۇتىپ، سويۋ الاڭىنا اپارىپ سويامىن. ءناسىپ ەتسە، ءۇش جىلدا وسى مالدىڭ باسىن 50-60 باسقا جەتكىزۋدى جوسپارلاپ وتىرمىن.

جاندار وماروۆ، «اۋىل شارۋاشىلىعىن قارجىلاي قولداۋ قورى» اق باسقارما ءتوراعاسى:

- وقو پيلوتتىق وبلىستىڭ ءبىرى بولىپ ەسەپتەلەدى. سوندىقتان ءتورت ەسە ۇلعايىپ، 7،2 ملرد تەڭگە بولدى. نەسيەنىڭ ءبارى كەپىلدەمەسىز بەرىلمەيدى. كەپىلدەمە نەگىزىندە بولعان سوڭ، قايتارىمدىلىعى 95-96%-عا جەتىپ وتىر.