وڭتۇستىك قازاقستان وبلىسىنىڭ شارۋالارى تالىمدىك جەرگە ەگىلگەن بيداي مەن ارپادان دا رەكوردتىق ءونىم جيناپ جاتقان كورىنەدى. وڭىردە ەگىن ورۋ ناۋقانى باستالعالى بەرى 416 مىڭ توننادان استام استىق قامباعا تۇسكەن. قىرمانعا تاعى 14 مىڭ توننا ءدان قۇيۋ جوسپارلانۋدا. بۇل بىلتىرعىعا قاراعاندا، 84 مىڭ تونناعا ارتىق. ماۋسىمدىق جيىن-تەرىمگە 39 مىڭ توننا ارزانداتىلعان ديزەل وتىنى بولىنگەن ەكەن. ونىڭ 11 مىڭ 500 تونناسى شارۋالارعا ۇلەستىرىلىپ بەرىلگەن. بيىل وبلىستا 195 مىڭ گەكتاردان استام جەرگە بيداي مەن ارپا ەگىلگەن. ونىڭ كۇنى بۇگىنگە دەيىن 97 پايىزى جينالىپ ۇلگەرىلدى. شارۋالار استىق ورۋ ناۋقانىن ءبىر اپتانىڭ ىشىندە تولىق اياقتايمىز دەپ وتىر.

وڭتۇستىك قازاقستان وبلىسىنىڭ شارۋالارىنىڭ ايتۋىنشا، بيىلعى جىلى دا بىتىك شىققان ءونىم مول تابىس اكەلگەن. ايتۋلارىنشا، كەلەسى جىلى دا ءدال وسىلاي بيداي مەن ارپادان رەكوردتىق ءونىم جيناۋدى ءوز ماقساتتارىنا مىندەتتۋدى جوسپارلاپ وتىرعاندارىن ايتتى.

كەڭەسبەك الپىسبايەۆ، وبلىستىق اۋىل شارۋاشىلىعى باسقارماسىنىڭ ءبولىم باسشىسى: - بىزدە تاۋلى ايماقتاردا قالىپ تۇرعان شامالى ەگىس القاپتارى بار. تولەبي، تۇلكىباس، قازىعۇرت اۋداندارىن دا قالىپ وتىر. بۇل وسى شامامەن 5-6 كۇندە تولىق ورىلىپ بىتەدى دەگەن جوسپارىمىز بار. وبلىس كولەمىندە تولەبي اۋدانىندا گەكتار ءتۇسىمى 26 سەنتنەردەن، تۇلكىباستا 25،5-تەن قازىعۇرتتا 22 سەنتنەردەن ءونىم الىنۋدا. بيىل استىقتان شارۋالار مول ءونىم الىپ جاتىر ەكەن.