وڭتۇستىك قازاقستان وبلىسىندا جەردىڭ قۇنارلىعى جىلدان-جىلعا جوعالىپ بارادى.

توپىراقتىڭ قۇرامىنداعى بونيتەت باللى سۋارمالى جەردە 45-كە جەتۋى قاجەت بولسا، بۇگىندە ول 30-عا دەيىن تۇسكەن. وعان شارۋالاردىڭ اۋىسپالى ەگىن ءتۇرى مەن مينەرالدى تىڭايتقىشتاردى قولدانباۋى سەبەپ. «ول تيىسىنشە ونىمدىلىككە دە اسەر ەتەدى»، - دەيدى ماماندار. بۇل تۋرالى وبلىستىق قوعامدىق كەڭەستىڭ كەزەكتى وتىرىسىندا ايتىلدى. وبلىستىق جەر قاتىناستارى باسقارماسى جەرگە تۇگەندەۋ جۇرگىزگەن. بەلگىلى بولعانى، وڭىردە 414 مىڭ گەكتار جايىلىمدىق جەر جالعا بەرىلىپ كەتكەن. «ونى قايتارىپ الۋ ءۇشىن قازىنادان 2 ملرد 300 ملن-دان استام قارجى كەرەك»، - دەيدى ماماندار. ودان بولەك رەسپۋبليكالىق كوميسسياعا توپىراق قۇرامىن قاداعالاپ وتىراتىن زەرتحانالاردى قايتا قالپىنا كەلتىرۋ جونىندە ۇسىنىس جاسالعان.

سوزاقباي ءابدىقۇلوۆ، وبلىستىق جەر قاتىناستارى باسقارماسىنىڭ باسشىسى:

- تەك قانا جەردىڭ پايدالانىلىپ جاتقانى ەمەس، ونىڭ توپىراعىن، سۋارمالى جەرگە ارنالاردىڭ قاجەتتىلىگىن. جايىلىمداعى قۇدىقتار، بارلىعىن انىقتاپ، جەر كاداسترى كارتاسىنا ەنگىزەدى. سول كارتادا ول كورىنىپ تۇرادى. قاي جەر قانداي جاعدايدا. توپىراق قۇنارلىعى قانداي. وسى جۇمىستى رەسپۋبليكالىق دارەجەدە ۇيىمداستىرۋدى ۇسىنىپ وتىرمىز.

ساين باقتىبايەۆ، جەر رەفورماسى جونىندەگى كوميسسيانىڭ مۇشەسى:

- ءبىز جەر رەفورماسى تۋرالى زاڭعا قاتىستى ناقتى ۇسىنىستارىمىزدى بەرۋىمىز قاجەت. سوعان قاراپ قۇجاتقا وزگەرتۋلەر مەن تولىقتىرۋلار ەنگىزىلۋى مۇمكىن. كۇنى بۇگىنگە دەيىن جەرگە قاتىستى كوپشىلىك كوپتەگەن ۇسىنىستارىن ايتىپ جاتىر. سونىڭ بارلىعى ەسكەرىلەدى دەگەن ويدامىن. ويتكەنى جەر ماسەلەسى ءاربىر قازاقستاندىققا قاتىستى.