وڭتۇستىك قازاقستاندا جىلدار بويى يگەرۋسىز جاتقان 670 گەكتار جەردى شارۋالار قايتادان يگىلىگىنە جاراتا باستادى،-دەپ حابارلايدى Qamshy.kz. 

بىلتىردان بەرى وڭىردەگى جالپى ۇزىندىعى 250 شاقىرىم بولاتىن 43 كانالعا جوندەۋ جاسالىپ، تابانى تازارتىلدى. وعان وبلىس قازىناسىنان 3 ميلليارد 518 ميلليون تەڭگە جۇمسالدى. ناتيجەسىندە تاعى 16،6 مىڭ گەكتار جەردى  اعىن سۋمەن قامتاماسىز ەتۋ ءىسى جاقساردى.  

اۋىل شارۋاشىلىعى جەرلەرىن تۇگەندەۋگە بايلانىستى قۇرىلعان جۇمىس توبى وبلىستا 334 مىڭ گەكتار جەردىڭ يگەرۋسىز جاتقانىن انىقتاعان بولاتىن. ونىڭ ۇشتەن ءبىرى - سۋارمالى. وزگەسى جايىلىم جەرلەر. وسىنداي اۋماقتاعى جەردى ءتيىمتى پايدالانۋ، شارۋاشىلىق ماقساتتا قولدانىسىن ءتيىمدى ەتۋ كەزەك كۇتتىرمەيتىن ماسەلە ەكەنى داۋسىز. بۇل اۋماقتار ارنايى جەر قورىنا قايتارىلعان سوڭ، جەرگە مۇقتاج شارۋاشىلىقتارعا قايتا ءبولىنىپ، بەرىلەتىن بولادى. شارۋاشىلىقتار جالپى كولەمى 334 مىڭ گەكتار بولاتىن جاڭا جەرلەرگە يە بولىپ جاتسا، ءونىم كولەمىن ارتتىرۋ، جاڭا جۇمىس ورىندارىن اشۋعا دا جاڭا مۇمكىندىكتەر تۋارى انىق ەكەنىن ايتادى.

ءبىر ايتا كەتەردىگى، وڭتۇستىك قازاقستان وبلىسىندا، يگەرۋسىز جاتقان 335 مىڭ گەكتار جەرلەردەن باسقاسى جايىلىم جەر بولعانىمەن، وبلىستا ەگىن شارۋشالىعى دا، مال شارۋشاشىلىعى دا قالىپتى جۇرۋدە.

شارۋلاردىڭ ايتۋىنشا، اۋىلشارۋاشىلىعى دامىسا، جاڭا جۇمىس ورىندارى اشىلسا، اۋىل عانا ەمەس، تۇتاستاي ەكونوميكامىزدىڭ الەۋەتى ارتاتىنىن ايتىپ جاتۋ ارتىق بولار.