وڭتۇستىك قازاقستان وبلىسىنداعى سوزاق اۋدانىنىڭ بابا اتا اۋىلىنداعى سۋ قويماسىنا 50 مىڭ شاباق جىبەرىلدى،-دەپ حابارلايدى Qamshy.kz. 

بۇل «وبلىستا 2015-2016 جىلى بالىق شارۋاشىلىعىن دامىتۋ» مەملەكەتتىك باعدارلاماسىنىڭ اياسىندا جاسالدى. «بۇل يدەيانى كاسىپورنىمىز سوناۋ 2014 جىلى جۇزەگە اسىرا باستادى. وندا ءبىز اكىمدىكپەن كەلىسىم ورناتىپ، تارازداعى ءتالىم باقتارمەن بايلانىس ورناتتىق. ءاربىر شاباق ءۇشىن 50 تەڭگە تولەپ، بارلىعى 100 مىڭ تۇقىنى جىبەردىك. بۇگىندە شاباقتىڭ تاعى 50 مىڭىن سۋعا جىبەرىپ وتىرمىز»، - دەپ باياندادى «Kaz.Cold.Fish» جاۋاپكەرشىلىگى شەكتەۋلى سەرىكتەستىگىنىڭ باس ديرەكتورى دىنمۇحاممەت قازاقبايەۆ.

دىنمۇحاممەد قازاقبايەۆتىڭ ايتۋىنشا، جوبانىڭ باستاماشىلارى العاشقى اسىراندىلار كۇزدە تۇقىم بەرەتىنىنە ۇمىتتەنىپ وتىر. بولاشاقتا كاسىپورىندا بالىق ونىمدەرىن قايتا وڭدەۋ جانە كونسەرۆىلەر شىعارۋ سەحىن اشۋدى جوسپارلاپ وتىرمىز. بۇل تاعى قوسىمشا 15 ادامدى جۇمىسپەن قامتاماسىز ەتۋگە مۇمكىندىك بەرەدى، ال شىعارىلىپ وتىرعان ءونىم جەرگىلىكتى نارىقتا عانا ەمەس، ەكسپورتقا دا جىبەرمەك. وبلىستىق اكىمدىكتىڭ باسپا ءسوز قىزمەتىندە اتاپ وتىلگەندەي، بالىق شارۋاشىلىعىن دامىتۋعا ايماقتىق بيۋدجەتتەن جالپى العاندا 400 ملن. تەڭگە بولىنگەن.

وبلىستا 2015-2016 جىلى بالىق شارۋاشىلىعىن دامىتۋ» مەملەكەتتىك باعدارلاماسىنىڭ اياسىندا جاسالعان بۇل جۇمىس «Kaz.Cold.Fish» جاۋاپكەرشىلىگى شەكتەۋلى سەرىكتەستىگىنە سەنىممەن تاپسىرىلعان.

ءبىر ايتا كەتەرلىگى سوڭعى كەزدەرى وبلىستا بالىق شارۋاشىلىعىنا اسا قاتتى ءمان بەرىلۋدە. بۇل ءۇشىن ۇيىمداستىرىلعان ارنايى شارالار دا جۇزەگە اسىرىلۋ جاعى قامتاماسىز ەتىلگەن.

بۇل ءۇشىن بارلىق قاجەتتى تەحنيكا كۇشى جۇمىلدىرىلعان دەپ حابارلادى وبلىستىق اكىمدىكتىڭ باسپا ءسوز قىزمەتىندەگىلەر.