وسىدان ءبىر اي بۇرىن ەگىنگە وراق سالعان شارۋالار ۇكىمەتتىڭ تومەن باعاعا بەلگىلەگەن مايىن الا الماي كەلەدى. ولار وبلىستىق اۋىل شارۋاشىلىعى باسقارماسىنا حابارلاسقان. 

ونداعىلار: «زاۋىتقا تاپسىرما بەرىلدى، جەڭىلدەتىلگەن جانارماي الاسىزدار»، – دەپ ايتقان. الايدا وپەراتورلار: «بىزگە ونداي پارمەن تۇسپەدى»، – دەپ مايدى 87-88 تەڭگەدەن ساۋدالاپ وتىر. 

امالدىڭ جوقتىعىنان ەڭبەكشى قاۋىم قىمبات جانارمايدى الىپ، بيدايلارىن شاۋىپ جاتىر. ويتكەنى جۋىق ارادا وراقتى اياقتاماسا، ماساقتان بيداي ءبولىنىپ ءتۇسىپ، شارۋالاردى شىعىنعا باتىرادى.

قۇرلىسبەك ءابيدينوۆ، ديقان

ء-بىز ەندى جەڭىلدەتىلگەن جانارمايدى 83-84 تەڭگەدەن الۋىمىز كەرەك ەدى. ءبىراق وبلىستىق جانارماي بولەتىن جەردەن 89-90 تەڭگەدەن قالتامىزدان تولەپ الىپ، وسى ۋاقىتقا دەيىن 40 تونناعا دەيىن ساتىپ الدىق. سوزىپ جاتقانىنا قاراپ وتىراتىن بولساق، تەز ورالمايتىن بولساق، تاعى دا ىسىراپ بولادى. ۇكىمەتتىڭ بەرەتىن جاردەمىن وسى ۋاقىتقا دەيىن كۇتىپ وتىرعانىمىز ءسال دۇرىس بولماي جاتىر.

ال اۋىل شارۋاشىلىق مينيسترلىگىنىڭ وكىلدەرى اتامىش ديزەل تاپشىلىعىنان مۇلدە حابارسىز وتىرعان كورىنەدى. 

«بىزگە ونداي اقپارات تۇسپەدى»، – دەگەن ماماندار كەلەسى دەرەكپەن ءبولىستى.

رەسپۋبليكا بويىنشا دالالىق جۇمىستارعا كەپىلدى تۇردە بولىنۋگە ءتيىس جانارمايدىڭ كولەمى 390 مىڭ توننانى قۇرايدى. سونىڭ 39 مىڭى وڭتۇستىكتىڭ ديقاندارىنا ارنالعان.

باقىت ءىلياسوۆ، ق ر اشم دەپارتامەنت ديرەكتورىنىڭ ورىنباسارى

-بولىنگەن 39 مىڭ توننانىڭ 40 پايىزى تاۋار وندىرۋشىلەرگە ءبولىنىپ بەرىلدى. ەگىن وراعى ءجۇرىپ جاتىر. قالعان جانار-جاعارمايدىڭ كولەمى قىركۇيەك ايىنا ماقتا داقىلىن جيناۋعا جوسپارلانىپ وتىر.