وڭتۇستىك قازاقستان، ارىس اۋماقتارىنا جانە قاراتاۋ مەملەكەتتىك قورىعى ايماقتارىنا 703 باس جەك دۋاداق جىبەرىلدى، - دەپ حابارلايدى Qamshy.kz. 

قۇستاردى جىبەرۋ وڭتۇستىك قازاقستان وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكسياسى، ق ر بعم عك «زوولوگيا ينستيتۋتى» رمك، «وحوتزووپروم» ءوب» رمقك-نىڭ قاتىسۋىمەن، اراب وكىلدەرىنىڭ تاراپىنان جۇزەگە اسىرىلعان ەكەن. ال قۇستاردى جىبەرۋ ىنتىماقتاستىق تۋرالى كەلىسىمشارتتى ورىنداۋ شەڭبەرىندە جۇزەگە اسىرىلدى.

وڭتۇستىك قازاقستان وبلىسىنا قاراستى قاراتاۋ مەملەكەتتىك قورىعى ايماعىندا قىزمەت ەتسۋشىلەر دۋاداق سانىن ارتتىرۋ مەن ونى كۇتىپ-باپتاۋدىڭ جاڭا جولدارىنا بار كۇش-جىگەرلەرىن سالاتىندارىن ايتتى. بۇل جولدا قىزمەتكەرلەر ۇنەمى ىزدەنىستە بولىپ، تابىستى، ناتيجەلى ەڭبەك ەتە بەرۋدى ماقسات ەتكەن كورىنەدى.

سونىمەن قاتار جەك دۋاداقتاردى قورعاۋ حالىقارالىق قورى (ابۋ-دابي، ءباا) 2016 جىلى 16 شىلدەدە وقو شىمكەنت قالاسىنا 544 داراق جەك دۋاداقتى ودان كەيىن تابيعي ورتاعا جىبەرۋ ءۇشىن جەتكىزگەن بولاتىن. باستاپقىدا 637 جەك دۋاداقتاردى اكەلۋگە ءوتىنىش جاسالىپ، قۇستاردى اكەلۋ سيتەس اكىمشىلىك جانە عىلىمي ورگانىنىڭ رۇقساتى مەن كەلىسىمى بويىنشا جۇزەگە اسىرىلدى. بارلىعى تابيعي ورتاعا 703 داراق جەك دۋاداق شىعارىلدى، ونىڭ ىشىندە 544 قۇس ءباا اكەلىنگەن جانە 159 قۇس جەك دۋاداقتى تابيعي ورتاعا شىعارۋ جانە ءوسىمىن مولايتۋ ورتالىعىنان جىبەرىلدى.

ەندى كەزەكتە ماماندار دۋاداقتاردى كۇتىپ باپتاۋمەن قاتار، ولاردى كوەيتۋ مەن قورشاعان ورتاعا بەيىمدەۋمەن اينالىسپاق نيەتتە. قازىرگى تاڭدا سيرەك كەزدەسە باستاعان اتالمىش قۇس قازاقستاننىڭ وڭتۇستىك وڭىرىنلە وسىلايشا قولدان كوبەيتىلۋدە.