بيىل مەكتەپ بىتىرۋشىلەردىڭ 74 % -ى قازاق تىلىندە، 26 % ورىس تىلىندە ۇبت تاپسىردى، ەگەر وسى باعىتپەن كەتە بەرسەك ەندى 5 ارى كەتسە 10 جىلدا بۇل كورسەتكىش قازاق ءتىلدى وقۋشى 90% ورىس ءتىلدى كورسەتكىش 10% - عا تۇسەدى. وسى باعىتپەن كەتە بەرسە بۇل وزدىگىنەن ەشقانداي قارجى توگۋسىز اق شەشىلەدى. وعان بولا مەملەكەتتەن قىرۋار قارجى بولگەنشە سول قارجىنى وقۋلىق ساپالاندىرۋ، مەكتەپتەردى زەرتحانالارمەن تولىقتاۋ ۇستازداردىڭ جاعدايىن جاساۋعا جۇمساسا ەكى جەپ بيگە شىعار ەدى.

اتتەڭ، ءبىر كەم دۇنيە! ءقازىر ورىس مەكتەبىنە تەك ورىس ءتىلدى قازاقتاردىڭ بەلگىلى ءبىر بولىگى جانە رەسەيگە كەتۋ نيەتى بار ورىستار عانا وقىتادى. ال، باسقا ۇلتتاردىڭ كوبىسى بالاسىن قازاق مەكتەپتەرىنە بەرۋ ءۇردىسى باستالعالى ءبىراز جىلدىڭ ءجۇزى بولدى.

سونداي-اق، قازاق مەكتەپتەرىنىڭ ءبىلىم ساپاسى ورىس مەكتەپتەرىنەن ارتتا دەگەن تۇسىنىكتەن وياناتىن كەز كەلدى عوي. جاي عانا دالەل: استانا قالاسىنىڭ مەكتەپتەرىنىڭ رەيتىنگىسىنىڭ الدىڭعى وندىعىندا ءبىر دە ءبىر ورىس مەكتەبى جوق، 8 قازاق مەكتەبى جانە 2 ارالاس مەكتەپ بار. بۇل قازاق مەكتەپتەرىنىڭ تومەن ەمەس، كەرىسىنشە باياعىدا ورىس مەكتەپتەرىن ارتقا تاستاپ كەتكەنىن كورسەتەدى. سول ءۇشىن دە، ورىس مەكتەبى نەمەسە ورىس ءتىلدى بالالار دەپ، ولار ءۇشىن باعدارلاما جاسايمىن دەپ باسى ارتىق پروبلەما ويلاپ تابۋ اقشا جەۋدىڭ تاماشا امالى، قازاقستاندا ەندى 5-6 جىلدان سوڭ تەك قازاق مەكتەپتەرى عانا بولادى، قالعانى وزدىگىنەن قازاق ءتىلدى مەكتەپتەرگە الماسادى، تەك قالىپتاسقان ۇردىسپەن وقۋلىق پەن ۇستازدار قوسىنىن ساپالاندىرۋ ەڭ ءتيىمدى امال.

اياتجان احمەتجاننىڭ فەيسبۋكتەگى پاراقشاسىنان الىندى

سۋرەت ازاتتىق سايتىنان الىندى.