وزبەكستان پرەزيدەنتى يسلام كارىموۆتىڭ قىزى لولا كارىموۆا-تيلليايەۆا اكەسىنىڭ دەنساۋلىق جاعدايىنا قاتىستى مالىمدەمە جاسادى، - دەپ حابارلايدى Qamshy.kz.
«قيسىنسىز اڭگىمەلەردىڭ الدىن الۋ ماقساتىندا، وسىندا، ءوز پاراعىمدا وتكەن دەمالىستا ءبىزدىڭ وتباسىمىزداعى اكەمە قاتىستى قايعىلى وقيعا تۋرالى ايتقىم كەلەدى. سەنبى كۇنى ميىنا قان كەتۋىنە بايلانىستى ول اۋرۋحاناعا جەتكىزىلىپ، رەانيماسيا بولىمىنە جاتقىزىلدى. ونىڭ جاعدايىن دارىگەرلەر تۇراقتى دەپ وتىر. قازىرگى ۋاقىتتا ونىڭ بولاشاقتاعى دەنساۋلىعىنا قاتىستى قانداي دا ءبىر بولجام جاساۋعا ەرتە. ادامداردان الىپ-قاشپا سوزگە بوي الدىرماۋدى، وتباسىمىزدىڭ جەكە كەڭىستىگىنە قاتىستى قۇقىقتارىن قۇرمەتتەۋدى سۇرايمىن. اكەمنىڭ اماندىعى ءۇشىن دۇعا جاساعان بارلىق جانعا العىس ايتامىن»، - دەپ جازادى ول.
