ساۋد ارابياسىندا يمامداردى جاپپاي جۇمىستان قىسقارتۋ ءجۇرىپ جاتىر. بيلىكتىڭ بۇل شەشىمىمەن 10 مىڭ يمامدى جۇمىسىنان شىعارىلسا، شامامەن 360 ملن ساۋد ريالىن (شامامەن 97 ملن اقش دوللارى) ۇنەمدەۋگە مۇمكىندىك تۋادى، - دەپ حابارلايدى Qamshy.kz BNews.kz - كە سىلتەمە جاساپ.

يسلام ىستەرى جونىندەگى مينيسترلىك يمامدارعا ەكى مۇمكىندىكتىڭ بىرەۋىن تاڭداۋدى ۇسىنىپ وتىر. ءبىرىنشىسى – 5 ۋاقىت نامازىن وقىپ، شتاتتىق رەجيمگە سايكەس تاڭەرتتەڭنەن كەشكە دەيىن مەشىتتە بولۋ، ەكىنشىسى –  جۇمىستان شىعۋ.

«ساۋد ارابياسى تۇرعىندارىنىڭ كوپ بولىگى يمامدار ەشتەڭە ىستەمەيدى، جايدان جاي كوپ ايلىق الادى دەپ ەسەپتەيدى. ولاردىڭ ايلىق جالاقىسى 3 مىڭ ساۋد ريالى (شامامەن 800 اقش دوللارى). وسىعان بايلانىستى، يسلام ىستەرى جونىندەگى مينيسترلىك «يمام» ماماندىعىنىڭ اتاۋىن، «ۋاعىز ايتۋشىعا» اۋىستىرۋدى جوسپارلاپ وتىر. «ۋاعىز ايتۋشىلار» قاجەت بولعان جاعدايدا عانا ۋاعىز ايتادى»، - دەيدى مينيسترلىك ماماندارى.

بۇدان بولەك، ۋاعىز ايتۋشىنىڭ ءدىن جانە يسلامدى ۋيرەنۋ سالاسىنان جوعارى ءبىلىمى بولۋى ءتيىس.