انكارا  سيريالىق راككانى دايش تەررورلىق ۇيىمىنان بىرگە  بوساتۋ وپەراسياسى جايلى  ۇسىنىستى قابىلداۋعا دايىن، -دەپ مالىمدەدى تۇركيا پرەزيدەنتى  تايىپ ەردوعان.

"يم (دايش) باستى ورتالىعى  – راككا. ( اقش پرەزيدەنت باراك) وباما   بىزبەن بىرگە راككاعا قاتىستى شارا قولدانباق،- دەدى. ءبىز ءوزىمىزدىڭ تاراپتان ەشقانداي پروبلەما جوق ەكەنىن مالىمدەدىك.  ءبىز اسكەرلەرىمىزدىڭ جينالىپ،  بۇل ماسەلەنى قالاي جۇزەگە اسىرۋ كەرەكتىگىن تالقىلاۋدى ۇسىندىق»  — دەدى ەردوعان    G20 سامميتىنەن كەلە جاتقان ۇشاقتا جۋرناليستەرگە. ەردوعان تۇركيانىڭ « ايماقتا بار ەكەنىن كورسەتۋى كەرەك ەكەنىن» اتاپ،  «ارتقا قادام جاساۋعا»  قۇقىقتارىنىڭ جوق ەكەنىن مالىمدەگەن.

تۇرىك كوشباسشىسى انكارانىڭ  سيريا سولتۇستىگىندە وپەراسيا وتكىزۋى ءۇشىن ۆاشينگتونمەن ەشقانداي پروبلەماسى جوق ەكەنىن اتاپ ءوتتى. تامىزدىڭ 24  كۇنى تۇرىك اسكەرى  «ەۆفرات قالقانى» وپەراسياسىن باستادى، وپەراسيا بارىسىندا تەرروريستەردەن دجارابلۋس قالاسىن ازات ەتتى. وسىنىڭ وزىندە  انكارا  سيريالىق كۋردتەر وتريادىنا  قارسى وپەراسيانى جالعاستىرىپ جاتىر.

راككا 2013 جىلدان بەرى  تەرروريستەردىڭ باقىلاۋىندا. سودىرلار «حاليفاتتى» باسقارۋ ۇيىمدارىن قۇرىپ، قالانى ءوز «استانالارى» ەتىپ جاريالاپ العان.  راككا شابۋىلىن سيريانىڭ دەموكراتيالىق كۇشتەرى جۇرگىزىپ وتىر، نەگىزىن YPG  كۇرت جاساعى  قۇرايدى.  اۋەدەن حالىقارالىق كواليسياسى قولداۋ بىلدىرەتىن بولادى.