بۇگىن مەملەكەت باسشىسىنىڭ جارلىعىمەن باقىتجان ءابدىر ۇلى ساعىنتايەۆ قازاقستان رەسپۋبليكاسىنىڭ پرەمەر ءمينيسترى بولىپ تاعايىندالدى. 

باقىتجان ساعىنتايەۆتىڭ ومىردەرەكتەرى:

س.م. كيروۆ اتىنداعى قازاق مەملەكەتتىك ۋنيۆەرسيتەتىنىڭ فيلوسوفيا-ەكونوميكا فاكۋلتەتىن بىتىرگەن (1985)، ەكونوميست، ساياسي ەكونوميكا ءپانىنىڭ وقىتۋشىسى.

1985 جىلدان - الماتى حالىق شارۋاشىلىعى ينستيتۋتىندا ساياسي ەكونوميكا كافەدراسىنىڭ وقىتۋشىسى.

1988 جىلدان - س.م. كيروۆ اتىنداعى قازاق مەملەكەتتىك ۋنيۆەرسيتەتىنىڭ الەۋمەتتانۋ كافەدراسىندا اسسيستەنت، اعا وقىتۋشى، دوسەنت.

1992 جىلدان - كوممەرسيالىق قۇرىلىمداردا باسشىلىق قىزمەتتەر اتقارعان.

1998 جىلدان - جامبىل وبلىسى اكىمىنىڭ ورىنباسارى.

1999 جىلدان - ق ر شاعىن بيزنەسكە قولداۋ كورسەتۋ جونىندەگى اگەنتتىگى ءتوراعاسىنىڭ ورىنباسارى.

2000 جىلدان - «شاعىن كاسىپكەرلىككە قولداۋ كورسەتۋ قورى» جاق باسقارماسىنىڭ ءتوراعاسى.

2001 جىلدان - ق ر تابيعي مونوپوليالاردى رەتتەۋ، باسەكەلەستىكتى قورعاۋ جانە شاعىن بيزنەسكە قولداۋ كورسەتۋ جونىندەگى اگەنتتىگى ءتوراعاسىنىڭ ءبىرىنشى ورىنباسارى.

2004 جىلدان - ق ر تابيعي مونوپوليالاردى رەتتەۋ جونىندەگى اگەنتتىگىنىڭ ءتوراعاسى.

2007 جىلدان - ق ر پرەمەر-مينيسترى كەڭسەسىنىڭ جەتەكشىسى.

2008 جىلدان بەرى - پاۆلودار وبلىسىنىڭ اكىمى.

20 قاڭتار—24 قىركۇيەك 2012 جىل ارالىعىندا — قازاقستان رەسپۋبليكاسىنىڭ ەكونوميكالىق دامۋ جانە ساۋدا ءمينيسترى.

2012 قىركۇيەك—2012 قاڭتار — «نۇر وتان» حدپ-نىڭ ءتوراعاسىنىڭ ءبىرىنشى ورىنباسارى.

16 قاڭتار 2012 جىلدان باستاپ جاڭادان قۇرىلعان قازاقستان رەسپۋبليكاسىنىڭ وڭىرلىك دامۋ ءمينيسترى جانە قازاقستان رەسپۋبليكاسى پرەمەر-مينيستردىڭ ءبىرىنشى ورىنباسارى.

2014 جىلعى 7 ساۋىردەن قازاقستان رەسپۋبليكاسى پرەمەر-مينيسترىنىڭ ءبىرىنشى ورىنباسارى.

2016 جىلدىڭ 9 قىركۇيەگىنەن باستاپ قر-نىڭ پرەمەر-مينيسترى.·