الماتىنىڭ قاق ورتاسىنان كەسىلگەن باسى مەن قولى تابىلعان ازاماتتىڭ ارتىندا اياعى اۋىر جۇبايى قالعان. ءقازىر كەلىنشەكتىڭ ىشتەگى بالاسى ءتورت ايلىق. ال 25 جاسىنا ءبىر اي عانا جەتپەگەن مارقۇم كەشە جەرلەندى، - دەپ حابارلايدى Qamshy.kz كتك ارناسىنا سىلتەمە جاساپ.
دوستارىنىڭ ايتۋىنشا، مەرت بولعان جىگىت جاقىندا عانا الماتىداعى بەدەلدى وقۋ ورىندارىنىڭ ءبىرىن اياقتاپ، جەكە كاسىپكەرلىكپەن اينالىسۋدى باستاپتى. قايعىلى جاعداي بولاتىن كۇنى ول ادەتتەگىدەي جۇمىسقا كەتىپ، كەيىن تەلەفونىن الماي قويعان. كەلەسى كۇنى ونىڭ بولشەكتەنگەن دەنەسى ءتۇرعىنۇي اۋلاسىنداعى قوقىس جاشىگىنەن تابىلعان بولاتىن. ءاربىر دەنە مۇشەسى جەكە-جەكە پاكەتتەرگە سالىنىپ، بارلىعى ءبىر سومكەگە جينالىپتى. ساراپتاما ورتالىعىنىڭ ماماندارى ءولىم الدىندا مارقۇم اياۋسىز سوققىعا جىعىلعان دەيدى. قاندى قىلمىس سەبەبىن ءقازىر پوليسيا انىقتاپ جاتىر.
