«قازاق ءۇنى» ۇلتتىق پورتالىنا جوعارعى بيلىكتەگى دەرەككوز جاقىن كۇندەرى قازاقستاندا ءدىن ىستەرى جانە ازاماتتىق دامۋ مينيسترلىگى قۇرىلاتىنىن ايتقان، - دەپ حابارلايدى Qamshy.kz.

«ءدىن ىستەرى جانە ازاماتتىق دامۋ مينيسترلىگىن باعلان مايلىبايەۆ باسقارادى دەگەن بولجام ايتىلۋدا.

ەسكە سالا كەتەيىك، قازىرگى تاعدا باعلان مايلىبايەۆ ق ر پرەزيدەنتى اكىمشىلىگى جەتەكشىسىنىڭ ورىنباسارى قىزمەتىن اتقارىپ وتىر»، - دەپ جازادى «قازاق ءۇنى».

كەشە باقىتجان ساعىنتايەۆ پرەمەر-مينيستر، اسقار مامين پرەمەر-مينيستردىڭ ءبىرىنشى ورىنباسارى بولىپ تاعايىندالعان بولاتىن.

باعلان اساۋباي ۇلى مايلىبايەۆ (1975 جىلى، 20 مامىردا جامبىل وبلىسىندا دۇنيەگە كەلگەن) – قازاقستان رەسپۋبليكاسىنىڭ مەملەكەت قايراتكەرى، قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ورىنباسارى^[1]، زاڭ عىلىمىنىڭ دوكتورى (2002-جىل).

1996-جىلى ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن جۋرناليست ماماندىعى بويىنشا بىتىرگەن.

1998-جىلى رەسەي فەدەراسياسى پرەزيدەنتىنىڭ جانىنداعى رەسەي مەملەكەتتىك قىزمەت اكادەمياسىنىڭ ساياساتتانۋ جانە ساياسي باسقارۋ كافەدراسىنىڭ اسپيرانتۋراسىن بىتىرگەن.

1998-جىلدان 2002-جىلعا دەيىن – قازاقستان رەسپۋبليكاسى ۇلتتىق عىلىم اكادەمياسىنىڭ مەملەكەت جانە قۇقىق ينستيتۋتىنىڭ اعا عىلىمي قىزمەتكەرى، ابىلاي حان اتىنداعى قازاق مەملەكەتتىك حالىقارالىق قاتىناستار جانە الەم تىلدەرى ۋنيۆەرسيتەتىنىڭ وقىتۋشىسى.

2002-جىلدىڭ اقپان ايىنان مامىر ايىنا دەيىن – مادەنيەت، اقپارات جانە قوعامدىق كەلىسىم مينيسترلىگى ب ا ق دەپارتامەنتىنىڭ ديرەكتورى.

2002-جىلدىڭ مامىر ايىنان 2003-جىلدىڭ قىركۇيەك ايىنا دەيىن «كازاحستانسكايا پراۆدا» رەسپۋبليكالىق گازەتى» اشىق اكسيونەرلىك قوعامىنىڭ پرەزيدەنتى.

2003-جىلدىڭ قىركۇيەك ايىنان 2004-جىلدىڭ جەلتوقسان ايىنا دەيىن «زاڭ» اكسيونەرلىك كومپانياسىنىڭ پرەزيدەنتى.

2004-جىلدىڭ جەلتوقسان ايىنان قازاقستان رەسپۋبليكاسى پرەزيدەنتى باسپا ءسوز قىزمەتىنىڭ جەتەكشىسى.

2008-جىلدىڭ قازان ايىنان ق ر مادەنيەت جانە اقپارات مينيسترلىگى اقپارات جانە مۇراعات كوميتەتىنىڭ ءتوراعاسى.

2008-جىلدىڭ جەلتوقسان ايىنان ق ر مادەنيەت جانە اقپارات ۆيسە-مينيسترى.

2009-جىلدىڭ ماۋسىم ايىنان 2011-جىلدىڭ قازان ايىندا دەيىن قازاقستان رەسپۋبليكاسى پرەزيدەنتىنىڭ باسپا ءسوز حاتشىسى.

2011-جىلدىڭ قازان ايىندا مەملەكەت باسشىسىنىڭ جارلىعىمەن قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ورىنباسارى بولىپ تاعايىندالدى.

قازاق، ورىس، اعىلشىن تىلدەرىن بىلەدى. ۇيلەنگەن، ەكى بالاسى بار.

«قۇرمەت»، «پاراسات» وردەندەرىمەن، مەدالدارمەن، قازاقستان رەسپۋبليكاسى پرەزيدەنتىنىڭ العىس گراموتاسىمەن ماراپاتتالعان، ق ر ۇعا جاس عالىمدار سىيلىعىنىڭ لاۋرەاتى (1998)