WBO نۇسقاسى بويىنشا قازىرگى چەمپيون بريتاندىق بيللي دجو سوندەرس ورتا سالماقتا WBA (Super)، WBC جانە IBF ساناتى بويىنشا الەم چەمپيونى قازاقستاندىق گەنناديي گولوۆكيننىڭ نامىسىنا تيەتىن سوزدەر ايتتى،- دەپ حابارلايدى Qamshy.kz.

بريتاندىق كەلل برۋكتى جەڭگەن قازاقستاندىق بوكسشى ەندىگى كەزەكتە بيللي دجو سوندەرسپەن قولعاپ تۇيىستىرگىسى كەلەتىنىن جەتكىزگەن ەدى. بۇل مالىمدەمەگە سوندەرس ءوزىنىڭ Twitter-دەگى پاراقشاسىندا جاۋاپ قايتارىپ، ول گولوۆكيندى "boreRat" دەپ اتادى. اعىلشىن تىلىنەن سوزبە-سوز اۋدارعاندا «borerat» - «جالىقتىرعىش ەگەۋقۇيرىق» دەگەن ماعىنانى بىلدىرەدى جانە داۋىستاپ ايتقاندا "بورات" فيلمىندەگى كەيىپكەردى ەسكە تۇسىرەدى.

«GGG، سەن دايىن بولعاندا، مەن دە ءازىر تۇرامىن، تەك جارتىلاي ورتا سالماقتا ەمەس. ەستىدىڭ بە، boreRat!» - دەپ جازدى سوندەرس ءوزىنىڭ پاراقشاسىندا. ەسكە سالا كەتسەك، 11 قىركۇيەككە قاراعان ءتۇنى WBA (Super)، IBO، IBF جانە WBC نۇسقالارى بويىنشا ورتا سالماقتاعى الەم چەمپيونى گەنناديي گولوۆكين (35-0، 32 كو) ورتا سالماقتاعى IBF تۇجىرىمىنىڭ چەمپيونى بريتاندىق كەلل برۋكتى (36-0، 25 كو) ويسىراتا جەڭىپ، جانكۇيەرلەرىن شاتتىقا بولەدى.