ورتا سالماقتاعى WBA (Super)، IBO، WBC جانە IBF تۇجىرىمدارى بويىنشا الەم چەمپيونى قازاقستاندىق گەنناديي گولوۆكين كەلەسى جەكپە-جەكتى قاراشا ايىنىڭ سوڭىندا وتكىزۋى مۇمكىن، - دەپ حابارلايدى Qamshy.kz Vesti.kz اllboxing.ru باسىلىمىنا سىلتەمە جاساپ.

"گولوۆكين كەلل برۋكپەن بولعان كەزدەسۋدەن كەيىن ۇزاق ۋاقىت دەمالمايدى. ونىڭ كەلەسى جەكپە-جەگى لوس-اندجەلەستە (كاليفورنيا شتاتى، اقش) قاراشا ايىنىڭ سوڭىندا ءوتۋى مۇمكىن. سول كۇنى رينگكە نيكاراگۋالىق رومان گونسالەس تە شىقپاقشى، ول دا لوندوندا وتكەن بوكس كەشىندە جۇدىرىقتاسقان بولاتىن"، - دەلىنگەن حابارلامادا.

ايتا كەتەيىك، ورتا سالماقتاعى WBA (Super)، IBO، WBC جانە IBF تۇجىرىمدارى بويىنشا الەم چەمپيونى قازاقستاندىق گەنناديي گولوۆكين جارتىلاي ورتا سالماقتا IBF نۇسقاسى بويىنشا الەم چەمپيونى ۇلىبريتانيالىق كەلل برۋكتى بەسىنشى راۋندتا نوكاۋتپەن جەڭدى. سونداي-اق، كەزدەسۋ الدىندا جاعىمسىز جاعداي بولدى. اعىلشىن كورەرمەندەرى قازاقستاننىڭ ءانۇرانى ورىندالا باستاعاندا ىسقىرىپ، قۇرمەتسىزدىك كورسەتتى. Sky Sport تەلەارناسى وتانداستارىنىڭ بۇل ارەكەتىن تارتىپسىزدىك دەپ سوكتى.