قازاقستاندىق بلوگەر اينۇر نۇرسەيىت انتاليا - الماتى باعىتىنداعى ۇشاقتىڭ بورتىندا بولعان توبەلەس ءۇشىن كەشىرىم سۇرادى، - دەپ حابارلايدى Qamshy.kz Tengrinews.kz cىلتەمە جاساپ.

قىزدىڭ ايتۋىنشا، وندا جانجالداسقان ايەلدەر توبى بولعان. "ۇشاق بورتىندا ءبىر ايەلمەن جانجال شىقتى. اكەمىز بىزدەن بولەك وتىردى. ول كىشكەنە ىشىمدىك ءىشىپ العان بولاتىن، سوندىقتان ەشتەڭەگە ارالاسقان جوق. الايدا وعان بىرنەشە رەت نامىسىنا تيەتىن سوزدەر ايتىلدى. ول ورنىنان تۇرىپ ايەلگە سونداي جاۋاپ قايتارعان كەزدە، ءبىر ەر ادام اكەمنىڭ بەتىنەن جۇدىرىقپەن ۇرىپ جىبەردى. ءبىز سودان كەيىن بىلدىك ولار تانىس نەمەسە تۋىس بولعان. مەنىڭ اكەم سوققىدان قاشىپ، ەشقانداي جاراقات العان جوق. اقتاۋ قالاسىنىڭ سوت مەديسينالىق ساراپتاماسى اكەمدى جەڭىل ماس كۇيىندە بولدى دەپ قورىتىندىلادى.

ونىڭ ايتۋىنشا، ونىڭ اكەسى جاۋاپ قايتارعان كەزدە ۇرىس-كەرىس ءورشي تۇسكەن. اينۇر نۇرسەيىت ءوزىنىڭ اكەسىنىڭ ارەكەتىن دۇرىس ەمەستىگىن مويىندادى. "ارينە ءبىز ۇياتقا قالدىق. WhatsApp مەسسەندجەرىندە مەنىڭ اكەمدى جاعىمسىز ەتىپ كورسەتكەن روليكتەر تاراپ ءجۇر. ءبىراق مەنىڭ ويىمشا، بۇل جاعدايدى تولىعىمەن ءتۇسىنۋ ءۇشىن باسقا دا روليكتەردى جۇكتەيدى دەپ ويلايمىن. ءبىز ۇشاق بورتىندا بولعان بارلىق جولاۋشىلاردان كەشىرىم سۇرايمىز. ءبىز تىنىش وتىرۋىمىز كەرەك ەدى. سوندا بارلىعى دۇرىس بولار ەدى. ءيا، باسقالاي ارەكەتتەر دە جاساۋعا بولار ەدى. ءبىراق ول كەزدە جاعداي مۇلدەم باسقاشا بولار ەدى"، - دەپ قورىتىندىلادى اينۇر.

وسىعان دەيىن، اقتاۋ قالاسىنىڭ حالىقارالىق اۋەجايىنا 12 قىركۇيەككە قاراعان ءتۇنى انتاليادان الماتىعا ۇشىپ بارا جاتقان Atlas Global كومپانياسىنىڭ ۇشاعى جەدەل تۇردە قونعان. تۇركيانىڭ اۋە كومپانياسى وسى رەيسپەن كەتىپ بارا جاتقان ءۇش ادامدى تاسىمالدامايتىنىن ايتىپ، ارىز بەرگەن. ولار الكوگولدى ىشىمدىككە ماس بولعان. ونىڭ شۇعىل وسىنداي ارەكەتكە بارۋى بورتتاعى توبەلەسكە بايلانىستى بولعان. Tengrinews.kz ءتىلشىسى وسى وقيعانىڭ كۋاگەرىمەن حابارلاسىپ، جولاۋشىلار اراسىندا نەلىكتەن جانجال شىققانىن انىقتاعان بولاتىن.

تەكسەرىس بارىسىندا الماتى وبلىسىنىڭ ءۇش ازاماتى ەكەنى انىقتالدى. ولار كولىكتەگى پوليسيا قىزمەتكەرلەرىنە تابىستالعان. ولار ۇساق بۇزاقىلىق بابى بويىنشا اكىمشىلىك جاۋاپكەرشىلىككە تارتىلعان.