قايرات نۇرتاس Vlast.kz باسىلىمىنا بەرگەن سۇحباتىندا جۇڭگو ءتىلىن قايدان ۇيرەنگەندىگىن، نە سەبەپتى ساياساتكەر بولۋدان باس تارتقانىن، اناسىنىڭ ءوز ومىرىندە قانداي ءرول وينايتىنىن، ومسك جۋرناليستەرىمەن ارازداسۋىنىڭ سەبەبىن، اكەسى كومەكتەسكەن 500 ادامنىڭ كىم ەكەنىن ايتىپ بەردى،- دەپ حابارلايدى Qamshy.kz Stan.kz سىلتەمە جاساپ. مۇنىمەن قاتار، الداعى جوسپارلارىن ءبولىسىپ، استانادان تالانتتى بالالارعا ارنالعان مەكتەپ اشقىسى كەلەتىنىن جەتكىزدى.

“اۋىلدى ايماقتارعا ءجيى بارامىن. ول جاقتان بىزدەن دە مىقتى تالانتتى انشىلەردى كەزدەستىرەمىن. وكىنىشكە وراي، ولار ءبىز سەكىلدى قولداۋشىلارى بولماعان سوڭ جەردە قالىپ قويعان. مىنە، ءدال وسىنداي تالانتتى جانداردى ءبىر مادەني وشاقتىڭ استىنا جيناعىم كەلەدى. وسى كۇنگە دەيىن ەش جەردە ايتپاعان ەدىم.

سىزدەرگى العاش رەت سىرىمدى اشىپ وتىرمىن. جۋىردا استانادا قايرات نۇرتاس مەكتەبى اشىلماق. ول جەردە بالالارعا ارنالعان ۇيىرمەلەر، ءان جازۋ ستۋديالارى مەن اندەر تۋرالى اقپاراتتار بولادى. ءتىپتى بەينەبايان تۇسىرۋگە ارنالعان ارنايى بولمە بولادى. بولاشاعىنان ءۇمىت كۇتتىرەتىن جاستاردى شاقىرعىم كەلەدى. بۇل شامامەن ءتيماتيدىڭ “Black star” جوباسى سەكىلدى بولماق”، – دەيدى قايرات نۇرتاس.

كۇنى كەشە قايرات نۇرتاس قازاقستاندا تەك قازاق تىلىندە سويلەگىسى كەلەتىندىگىن ايتقان بولاتىن.  مۇنىمەن قاتار، ول وزگە تىلدە سويلەي تۇرا قازاقستاننىڭ نانىن جەپ جۇرگەن جانداردان ۇيالۋدى سۇرادى.

“ءوزىنىڭ تۋعان ءتىلىن بىلمەيتىن قازاق باۋىرلارىما ايتارىم بار. مۇنى ماعان دەيىن دە قۇرمەتتى “اعالارىمىز” ايتقان بولاتىن. تۋعان تىلدەرىڭىزدى بىلمەي تۇرىپ، قازاقستاندا ناندارىڭىزدى تاۋىپ جۇرگەندەرىڭىز ۇيات بولار”، – دەيدى ول.