قاسيەتتى قۇربان ايتتىڭ ءبىرىنشى كۇنى، ياعني 12 قىركۇيەكتە اتىمتاي ازامات ءومىرحان التىن باستاعان ەۋروپا قازاقتارنىڭ شالعان قۇرباندىق مالدارىنىڭ ەتىن استانا قالاسىننىڭ الەۋمەتتىك جاعادايى تومەن تۇرعىندارىنا تاراتتى،-دەپ حابارلايدى Qamshy.kz muftiat.kz-كە سىلتەمە جاساپ.
شارانى ۇيىمداستىرىپ وتىرعاندار الاشتىڭ ارداقتى ۇلدارىنىڭ ءبىرى، ءدىن قايراتكەرى زۋقا قاجى ءسابيت ۇلىنىڭ 150 جىلدىق مەرەيتويىن ۇيىمداستىرۋ القاسى مەن «زۋقا باتىر ءسابيت ۇلى قورى» قوعامدىق قورى. ارنايى جۇك كولىكتەرىمەن ۇي-ۇيلەردى ارالاپ، پاتەر جالداپ تۇرىپ جاتقان جاعداي تومەن وتباسىلارعا قۇربان ەتىنەن ايتتىق تاراتتى.
ۇيىمداستىرۋ القاسىنىڭ ءتوراعاسى، حالىقارالىق تاۋەلسىز جۋرناليست، قوعامقايراتكەرى ءومىرحان التىن: «بۇل شارالار بۇكىل عۇمىرىن كەدەي-كەپشىكتەردى، جارلى-جاقپاي مەن قۋعىن-سۇرگىندەگى اعايىنداردى قورعاۋعا، پانا بولۋعا ارناعان، ەل-جەرى ءۇشىن شاحيت بولعان اتاقتى زۋقا باتىر ءسابيت ۇلىنىڭ 150 جىلدىق مەرەيتويى اياسىندا ۇيىمداستىرىلىپ وتىر. ءبىزدىڭ ەۆروپاداعى اعايىندار بيىلعى قۇربان ايتتىق قۇرباندىقتارى مەن سيلىقتارىن قازاقستانداعى داعدارىستان قيىندىق كورىپ وتىرعان ەلگە جانە مونعولياداعى سۋ تاسقىنىنان زارداپ شەككەن اعايىندارعا اراناپ وتىر» - دەدى.
ۇيىمداستىرۋ القاسىنىڭ مۇشەسى، تاۋەلسىز جۋرناليست، اقىن بەيسەن احمەت ۇلىنىڭ ايتۋىنشا، استانا قالاسىندا 58 قوي سويىلىپ، 250 دەن استام وتباسىنا ۇلەستىرىلگەن. ال مونعوليا جەرىندە 600 دەن استام مال ەتى سونداعى قازاقتارعا تاراتىلدى. سويناي-اق كيىم-كەشەكتەر مەن وقۋ قۇرالدارىن دا تاراتىلعاندىعىن جەتىكىزدى.
ايتتىڭ ەكىنشى كۇنى، قاراعاندى وبلىسى وساكوروۆكا اۋدانىنداعى مەكتەپ وقۋشىلارىنا ەۋروپاداعى بالالاردىڭ ايتتىق سىيلىقتارىن تابىستادى. اتالمىش شاراعا وساكوروۆكا اۋدانىنىڭ اكىمىنىڭ ورىنباسارى الما شالابايەۆا، جۋرناليست البەرت سافۋلين قاتارلى ازاماتتار قاتىستى.
وساكوروۆكا اۋدانىنىڭ اكىمىنىڭ ورىنباسارى الما شالابايەۆا حانىم ءوز كەزەگىندە ەۆروپاداعى اعايىنداردىڭ بالالارىنا ىستىق ىقىلاسپەن سالەمىن جولدادى. ال، بالالار ءۇيىنىڭ تاربيەلەنۋشىلەرى مەن تاربيەشىلەرى كونسەرتتىك باعدارلاما قويىپ، قوناقتارعا العىستارىن ءبىلدىردى.
ەستەرىڭىزگە سالا كەتەيىك، 1866 جىلى شىعىس قازاقستان وبلىسىنىڭ زايساڭ وڭىرىندە تۋعان زۋقا باتىر ءسابيت ۇلىنىڭ 150 جىلدىق مەرەيتويى 12 ەلدە، 30 دان استام ۇلكەن قالالاردا تالىپ وتىلۋدە. زۋقا باتىر تۋرالى 4 تاريحي دەرەكتى رومان، 150 دەن استام زەرتتەۋ ماقالالارى مەن 300 دەن استاپ كوركەم شىعارمالار جاريالنعان. وتكەن عاسىرداعى قازاق توپىراعىنان شىققان ءدىن قايراتكەرلەرىنىڭ ءبىرى.
