نىيۋ-يوركتە بۇۇ باس اسسامبلەياسىنىڭ وتىرىسى ءوتىپ جاتىر. باراك وباما وتىرىستىڭ اشىلۋىنا ۇلگەرمەدى، سول ءۇشىن  ءسوزدى چادا پرەزيدەنتى يدريس دەبيگە بەردى،- دەپ حابارلايدى Qamshy.kz.  

 كەشىگىپ كەلىپ، ءسوز العان وباما بەرىلگەن رەگلامەنتتەن ءۇش ەسە ۇزاق سويلەدى.

وبامانىڭ سويلەگەن سوزىنە  رەسەي دەلەگاسياسى قۇرامىنا كىرەتىن، سوففەد حالىقارالىق كوميتەتىنىڭ باسشىسى  كونستانتين كوساچيەۆ پىكىر ءبىلدىردى.

«رەسەي جايلى ەكى اق رەت ايتىلدى، ونىڭ ءوزى «بۇرىنعى يمپەريانى كۇشپەن قايتا قالپىنا كەلتىرگىسى كەلەدى» جانە «كورشى مەملەكەتتەردىڭ قاۋىپسىزدىگىن بۇزۋدا»،- دەلىندى. بىردە-بىر پوزيتيۆ بولماعانى وكىنىشتى، شىنايى ومىردە ول بار عوي،  بۇرىنعى وتكەن نارسەلەر «الەمنىڭ ءنومىرى 2 ءقاۋپى»،— دەپ اتاپ ءوتتى سف كوميتەتىنىڭ باسشىسى  Facebook پاراقشاسىندا.

سونداي-اق وباما يادرولى قارۋى بار ەلدەردى ەشقاشان ونى قولدانباۋعا شاقىردى.  جانە باي ەلدەردىڭ كەدەي ەلدەرگە كومەك كورسەتۋى كەرەك ەكەنىن اتاپ ءوتىپ، ءپوپۋليزمدى ۇناتاتىندار مەن ميگرانتتارعا قارسى شىعاتىنداردى سىنعا الدى.