وزبەكستان پرەزيدەنتى يسلام كاريموۆتىڭ قازاسىنان كەيىن ونىڭ ۇلكەن قىزى گۇلناردىڭ تاعدىرى تۋرالى اڭگىمە قايتا قوزعالدى. بۇل تۇسىنىكتى دە. سەبەبى اكەسىنىڭ كوزى تىرىسىندە گۇلنار ەلدەگى ىقپالدى تۇلعالاردىڭ ءبىرى سانالعان. تەك 5 جىل بۇرىن تۋىنداعان حالىقارالىق قارجىلىق داۋلاردان كەيىن جولى بوگەلگەن ەدى.
جوعارى لاۋازىمداعى دەرەككوز پرەزيدەنتتىڭ تۇڭعىش قىزىنىڭ پسيحياتريالىق اۋرۋحاناعا جاتقىزىلعانىن حابارلاعان. سەبەپتەرى ايتىلمايدى. سونداي-اق ونىڭ ۇلى يسلام كاريموۆ اناسىمەن بايلانىسا الماي وتىرعان كورىنەدى،- دەپ حابارلايدى Qamshy.kz reactor.inform.kz-كە سىلتەمە جاساپ.
قوس يسلام. گۇلناردىڭ اكەسى مەن ۇلى.
گۇلنار كارىموۆا كەزىندە ساياساتپەن، بيزنەسپەن عانا شەكتەلگەن جوق. ءسان الەمىندە باعىن سىناپ، شوۋ-بيزنەستە «گۋگۋشا» لاقاپ اتىمەن بەلگىلى بولعان-دى. كەيىن اكەسىنىڭ بۇيرىعىمەن ءۇيقاماققا الىنعان. ال جالعىز ءسىڭىلىسى لولا كاريموۆا ءبىر سۇحباتىندا اپكەسىمەن 12 جىلدان بەرى ارالاسپايتىنىن ايتقان بولاتىن.
