تۇركىستان قالاسىنىڭ ءىر­گەسىندە قارناق دەگەن اۋىل بار. قوجا احمەت ياساۋي كەسە­نەسىندەگى اتاقتى «تاي­قازان» وسى اۋىلدا قۇيىل­عان. قارناقتىڭ تاعى ءبىر ەرەك­شەلىگى، مۇندا ەلدىڭ ايتۋى بو­يىنشا 1300 جىلدان بەرى ءوسىپ كەلە جاتقان تۇت اعاشى بار.

مادەني قۇندى­لىق­تاردى تۇگەندەۋ، قۇ­جات­قا ءتۇسىرۋ ماق­ساتىندا قۇ­رىلعان ەكس­پە­ديسيا قۇرا­مىندا بولعا­نىمىزدا وسى تۇت اعاشىنا ارنايى باردىق. بەس-التى ادام قول ۇستاسىپ قۇشاعىن جايسا دا ەنىنە ەركىن بويلامايدى، دەپ جازادى «ەگەمەن قازاقستان» گازەتىنىڭ ءتىلشىسى.

وسىنداعى ەسكى كوز اعاي­ىن­­­داردىڭ سوزىنە قا­را­عان­دا، بۇل تۇت اعاشىن مۇ­سىل­ماندىقتى ۋاعىزداۋشى ءدىن­دار يمام باقلي ەككەن كورىنەدى. ەندى ءبىرى پايعام­بارىمىزدىڭ اسكەر ساردارى قاداعان شىبىقتان ونگەن دەسەدى.

قارناق اۋىلىنىڭ تۇرعىنلدارىنىڭ ايتۋىنشا، ولار بۇل تۇت اعاشىن وتە قاتتى ماقتان ەتەدى. اۋىلدىڭ سيمۆولىنا اينالعانداي دەيدى تۇرعىندار.

بۇگىندە ورتاسىن شىرىك كەۋ­لەپ بوي-بوي جارىلىپ جات­سا دا جان-جاعىنداعى بۇ­تالار جىل سايىن ءبۇر­شىك جارادى. تالاي عا­سىردى ارتتا قالدىرعان كونەكوز اعاشتىڭ جا­پى­راعىن جۇلعان ادامدار وتە جايسىز ءتۇس كو­ءرىپ، قي­ىنشىلىقتارعا ۇشى­رايدى ەكەن. سوندىقتان دا تۇرعىن­دار مەن ساياحاتشىلار بۇعان زيارات ەتىپ كەلەدى. بۇل ەندى ءبىزدىڭ كەيبىر اعايىندار ايتاتىنداي اللاعا سەرىك قوسۋ ەمەس، حالقىمىزدىڭ ىرىم-نانىمى. قالاي دەگەندە دە تابيعاتتىڭ ءبىر قۇپياسى وسى تۇت اعاشىنىڭ ءالى كۇنگە دەيىن ءومىر سۇرۋىندە بولسا كەرەك