ەل دامۋىندا وڭىرلەردىڭ الەۋمەتتىك-ەكونوميكالىق جاعدايىنىڭ الار ورنى زور. وڭىرلەردە حالىقتىڭ ءال-اۋقاتىن ارتتىرىپ، جاڭا جۇمىس ورىندارىن اشۋ، كاسىپكەرلىكتى دامىتۋ، ينۆەستيسيا تارتۋ، مەملەكەتتىك قىزمەت ساپاسىن ارتتىرۋ، الەۋمەتتىك كەپىلدەمەلەردى جۇزەگە اسىرۋ جۇيەسىن جەتىلدىرۋ سىندى سان سالالى مىندەتتەر تۇر. ەلباسى قويعان سول تاپسىرمالاردىڭ ۇدەسىنەن شىعىپ جۇرگەن وڭىرلەردىڭ ىشىندە وڭتۇستىك قازاقستان وبلىسى دا بار.
قازىرگى تاڭدا وبلىستا الداعى بەس جىلعا ارنالعان دامۋ باعدارلاماسى بەكىتىلگەن. اۋىز تولتىرىپ ايتارلىعى – وبلىس ورتالىعى مەن اۋدانداردا 7 يندۋستريالدىق ايماق تابىستى جۇمىس ىستەۋدە (شىمكەنت، كەنتاۋ، تۇركىستان، سوزاق، تۇلكىباس، ماقتاارال، كازىعۇرت). ودان بولەك 4 يندۋستريالدىق ايماقتىڭ ينفراقۇرىلىمدارىنىڭ قۇرىلىسى جۇرگىزىلۋدە. وسى يندۋستريالدىق ايماقتاردا بارلىعى 52 جوبا ىسكە اسىرىلىپ، 4 025 جۇمىس ورنى قۇرىلدى. «يندۋستريالدى-يننوۆاسيالىق دامۋ» باعدارلاماسى اياسىندا 27 ملرد. تەڭگەگە 16 جوبانى ىسكە قوسىپ، 845 جۇمىس ورنىن قۇرۋ جوسپارلانسا، جىل باسىنان 2 جوبا («شىمكەنتماي» اق، 26 جاڭا جۇمىس ورنى جانە «Lotus Food Company LLC» ج ش س، 48 جاڭا جۇمىس ورنى) ىسكە قوسىلىپ، 74 جۇمىس ورنى اشىلدى.
باعدارلاما اياسىندا بيۋدجەتكە تۇسكەن سالىقتاردىڭ كولەمى وتكەن جىلمەن سالىستىرعاندا 804 ملن. تەڭگەگە ارتىپ، 5،4 ملرد. تەڭگەنى قۇرادى. 6 ايدا ونەركاسىپ كاسىپورىندارىمەن 384 ملرد. تەڭگەنىڭ ءونىمى ءوندىرىلىپ، 5،3% ارتتى. وسى رەتتە ءوسىم بويىنشا وڭتۇستىك قازاقستان وبلىسىنىڭ رەسپۋبليكادا الدىڭعى ورىندا ەكەنىن ايتا كەتكەن ءجون.
اۋىل - بەرەكە
وبلىستا اۋىل شارۋاشىلىعىنىڭ دامۋىنا ەرەكشە نازار اۋدارىلۋدا. بۇل سالانى قولداۋعا جالپى 29 ملرد. تەڭگە باعىتتالىپ وتىر. ەگىس كولەمىن ۇلعايتۋ، يەسىز جەرلەردى يگەرۋ، زاماناۋي تەحنولوگيامەن تامشىلاتىپ ءسۋعارۋادىسىن كەڭىنەن ەنگىزۋ، جىلىجاي جانە قارقىندى باۋ قۇرىلىستارى،مال باسىن اسىلداندىرۋ بويىنشا جۇمىستار جۇرگىزىلۋدە.
ءبىرىنشى جارتىجىلدىقتىڭ قورىتىندىسىمەن اۋىل شارۋاشىلىعى جالپى ءونىم كولەمى 123 ملرد.تەڭگەنى قۇراپ، 2% ارتتى.
ەگىس كولەمى وتكەن جىلدان 13 مىڭ گەكتارعا ارتىپ، 788 مىڭ گەكتاردى قۇرادى.
سۋارمالى 466 مىڭ گەكتار جەردىڭ 93% يگەرىلۋدە (434 مىڭ گا).
اعىمداعى جىلى داندىك جۇگەرىدەن 108،4 مىڭ توننا، كوكونىستەن 811 مىڭ توننا، باقشادان 1 252 مىڭ توننا، كارتوپتان 195 مىڭ توننا، ماساقتى داقىلداردان 470 مىڭ توننا ءونىم جينالدى.
العاش رەت بيدايدىڭ ورتاشا ونىمدىلىگى 22 سەنتنەردى قۇراپ (2015 ج. – 17،8 س/گا)، رەكوردتىق ءونىم الىندى.
تامشىلاتىپ سۋعارۋ ءادىسى قوسىمشا 6000 جۋىق گەكتارعا ەندىرىلىپ، جالپى كولەمى 49،7 مىڭ گەكتارعا جەتتى (رەسپۋبليكاداعى ۇلەسى 73%).
جىلىجايلار قوسىمشا 72 گەكتارعا سالىنىپ، جالپى 1 098 گەكتارعا جەتتى (رەسپۋبليكاداعى ۇلەسى 87%). وسى جىلىجايلاردان 80 مىڭ توننا كوكونىس ونىمدەرى جينالدى.
تەرەڭ قوپسىتۋ تەحنولوگياسى 89 مىڭ گەكتارعا ەنگىزىلدى.
جىل باسىنان فەرمەرلەرگە «ىرىس» قارجىلاندىرۋ ۇيىمى ارقىلى تومەنگى پايىزبەن 486 جوبانى قارجىلاندىرىلۋعا 1،2 ملرد. تەڭگە كولەمىندە نەسيە بەرىلدى.
«سىباعا»، «التىن اسىق»، «قۇلان» باعدارلامالارىمەن 35 مىڭنان اسا مال باسى ساتىپ الىندى.
4000 استام ۇساق شارۋاشىلىقتاردى بىرىكتىرەتىن 47 كووپەراتيۆتەر قۇرىلىپ، 9 متس اشىلدى.
وبلىس باسشىلىعىنىڭ الدىندا تۇرعان نەگىزگى باسىمدى باعىتتاردىڭ ءبىرى ينۆەستيسيا تارتۋ بولىپ تابىلادى. وسى ماقساتتا «Ontustik Invest-2016» حالىقارالىق ينۆەستيسيالىق فورۋمى وتكىزىلدى. ەۋروپا جانە ازيا ەلدەرىنە رەسمي ءىس-ساپارلار ۇيىمداستىرىلۋدا. بۇگىنگى تاڭدا شەتەلدىك ينۆەستورلاردىڭ قاتىسۋىمەن جالپى قۇنى 2 ملرد. اقش دوللارىنان استام 24 جوبا ىسكە اسىرىلۋدا.
شاعىن جانە ورتا بيزنەس
كاسىپكەرلىكتى قولداۋ ماقساتىندا «بيزنەستىڭ جول كارتاسى 2020» باعدارلاماسىمەن 6 ايدا 54 ملرد. تەڭگەگە 117 جوبا ماقۇلدانىپ، 983 جۇمىس ورنى اشىلدى. جالپى باعدارلاما قاتىسۋشىلاردان بيۋدجەتكە 6،7 ملرد. تەڭگە سالىقتار ءتۇسىپ، وتكەن جىلمەن سالىستىرعاندا 409 ملن. تەڭگەگە ارتتى.
«كاسىپكەرلەرگە قىزمەت كورسەتۋ ورتالىعىمەن» 19 905 كاسىپكەرگە كومەك كورسەتىلدى.
الەۋمەتتىك سالا دا باستى نازاردا
اعىمداعى جىلى 10 دەنساۋلىق ساقتاۋ نىسانىنىڭ قۇرىلىسى، 8 نىساندا كۇردەلى جوندەۋ جۇمىستارى جۇرگىزىلۋدە. بۇگىنگە تۇلكىباس اۋدانىنداعى اۋىلدىق ەمحانا ىسكە قوسىلدى.
وبلىسىمىزدا الەمدىك مەديسيناداعى وزىق تەحنولوگيالار پايدالانىلۋدا. بالالار قان تامىر حيرۋرگياسىن دامىتۋ قولعا الىندى. مەديسينالىق قىزمەتتىڭ ساپاسىن جاقسارتۋ ماقساتىندا قىزمەتكەرلەردىڭ بىلىكتىلىگىن ارتتىرۋعا كوڭىل ءبولىنىپ وتىر.
ەسەپتى كەزەڭدەن ارەستەلەر ءولىم-جىتىمىنىڭ كورسەتكىشى 13%-عا، قاناينالىمى اۋرۋلارى – 15%-عا، تۋبەركۋلەز – 24%-عا، ونكوپاتولوگيا – 2%-عا تومەندەدى.
ءبىلىم بەرۋ سالاسىندا اعىمداعى جىلى 37 مەكتەپكە دەيىنگى ۇيىمدار اشىلىپ، جالپى سانى 1 561 بىرلىككە، بالالاردى قامتۋ كورسەتكىشى 80،5%-دان 82،3% جەتتى.
بۇگىنگى تاڭدا 42 مەكتەپ، 6 بالاباقشا ىسكە قوسىلىپ، ناتيجەسىندە 11 اپاتتى جاعدايداعى مەن 9 ءۇش اۋىسىمدىق مەكتەپتەردىڭ قۇرىلىسى اياقتالدى.
77 نىساندا كۇردەلى جوندەۋ جۇمىستارى جۇرگىزىلدى.
ۇلتتىق ءبىرىڭعاي تەستىلەۋ قورىتىندىسى بويىنشا وبلىستىڭ ورتاشا بالى 77،7 قۇرادى. رەسپۋبليكاداعى ەڭ جوعارعى 125 بالدى جيناعان 19 ءبىتىرۋشىنىڭ 5 ءبىزدىڭ وبلىستىڭ تۇلەگى.
«جۇمىسپەن قامتۋ 2020 جول كارتاسى» باعدارلاماسى اياسىندا جارتىجىلدىقتا 33 383 ازامات الەۋمەتتىك قولداۋ شارالارىمەن قامتىلىپ، بۇل رەسپۋبليكالىق كورسەتكىشتىڭ 16% قۇرادى.
ەسەپتى كەزەڭگە از قامتاماسىز ەتىلگەن ازاماتتار سانى 27%-عا تومەندەدى. جۇمىسسىزدىق دەڭگەيى 5،2%، جاستار اراسىنداعى جۇمىسسىزدىق دەڭگەيى 3،6% قۇرادى.
اعىمداعى جىلى 5 مادەنيەت ءۇيى، 1 مۋزەي پايدالانۋعا بەرىلدى.
جىل باسىنان وبلىس سپورتشىلارى چەمپيوناتتار مەن بىرىنشىلىكتەرگە قاتىسىپ، 403 التىن، 392 كۇمىس، 384 قولا مەدالعا قول جەتكىزدى.
وزەرىڭىز بىلەتىندەي، اعىمداعى جىلى ريو-دە-جانەيرو قالاسىندا وتكەن جازعى وليمپيادا ويىندارىندا قازاقستان قورجىنىنا 1 كۇمىس، 1 قولا مەدالدى وبلىسىمىزدىڭ سپورتشىلارى سالدى. ەسەپتى كەزەڭدە 1 سپورت كەشەنى ىسكە قوسىلعان.
باستى مىندەت – حالىق قاجەتتىلىگىن قاناعاتتاندىرۋ
حالىقتى قاجەتتى ينفراقۇرلىممەن قامتاماسىز ەتۋ ماقساتىندا، اعىمداعى جىلى 27 اۋىز سۋ نىسانىنىڭ قۇرىلىسى جۇرگىزىلىپ، 25ء-ى پايدالانۋعا بەرىلەتىن بولادى (2 نىساننىڭ قۇرىلىسى 2017 جىلعا اۋىسپالى).
ونىڭ ىشىندە، سۋ قۇبىرى مۇلدەم جوق 7 ەلدى مەكەنگە (5،6 مىڭ حالىق) جاڭا اۋىز سۋ قۇبىرلارىنىڭ قۇرىلىسى جۇرگىزىلىپ، 14 ەلدى مەكەندەگى (59،5 مىڭ حالىق) توزىعى جەتكەن اۋىز سۋ جۇيەلەرى جاڭارتىلادى. بۇگىنگە 1 نىسان ىسكە قوسىلدى.
اعىمداعى جىلى قۇرىلىسى جۇرگىزىلىپ جاتقان 33 گاز نىساندارىنىڭ 12ء-سى پايدالانۋعا بەرىلدى. جىلدىڭ قورىتىندىسىمەن 25 ەلدى مەكەن گازداندىرىلىپ، ناتيجەسىندە، تابيعي گازبەن قامتىلعان ەلدى مەكەندەر سانى جالپى 293 جەتەتىن بولادى (1،7 ملن.ادام).
199 جول نىساننىڭ قۇرىلىس-جوندەۋ جۇمىستارى ىسكە اسىرىلۋدا. قازىرگى تاڭدا، 45 نىسان پايدالانۋعا بەرىلدى. جىلدىڭ قورىتىندىسىمەن 179 نىساندى نەمەسە 520 شاقىرىم جولدى پايدالانۋعا بەرۋدى جوسپارلاپ وتىرمىز.
«2020 جىلعا دەيىنگى وڭىرلەردى دامىتۋ» باعدارلاماسى اياسىندا 790 مىڭ شارشى مەترلى 262 ءۇيدىڭ قۇرىلىسى جۇرگىزىلۋدە (11 135 پاتەر). اعىمداعى جىلى 252 مىڭ شارشى مەترلى 151 ءۇي (3 197 پاتەر) پايدالانۋعا بەرىلەدى.
وبلىستا قوعامدىق قاۋىپسىزدىكتى ساقتاۋعا ۇلكەن ءمان بەرىلىپ وتىر. ىشكى ىستەر ورگاندارىنىڭ ماتەريالدىق-تەحنيكالىق بازاسى نىعايتىلىپ، 186 بەينە باقىلاۋ كامەرالارى، 89 قىزمەتتىك اۆتوكولىكتەر، 10 ينتەللەكتۋالدى جول قوزعالىسى جۇيەسى الىندى.
بيىل قولدانىستاعى زاڭ اياسىندا وبلىستىق جانە اۋدان، قالالارداعى جەرگىلىكتى پوليسيا باسشىلارى تاعايىندالدى.
جۇرگىزىلگەن جەدەل ىزدەستىرۋ شارالارىنىڭ ناتيجەسىندە، ەسەپتى كەزەڭدە اۋىر جانە اسا اۋىر قىلمىستاردىڭ اشىلىمى 70%-دان 72،8%، اۋىر قىلمىستىڭ اشىلىمى 67،8%-دان 71،8%-عا جوعارىلادى.
اشىقتىق اكىمدىكتەن باستالادى
وبلىستا كورسەتىلەتىن مەملەكەتتىك قىزمەتتەردىڭ ساپاسىن جاقسارتۋ، اكىمشىلىك كەدەرگىلەردى جويۋ بويىنشا «اشىق اكىمدىك» قىزمەتى اشىلدى.
سونىمەن قاتار، اشىق اقپاراتتار تولىعىمەن «اشىق دەرەكتەر»، بارلىق قاۋلى جوبالارى «اشىق ءنورماتيۆتى قۇقىقتىق اكتىلەر»، ال شوعىرلاندىرىلعان بيۋدجەتتىك ەسەپتەر مەن بيۋدجەت جوبالارى «اشىق بيۋدجەت» پورتالدارىندا جاريالانۋدا.
وزدەرىڭىزگە بەلگىلى مەملەكەتتىك قىزمەتكە كىرۋدىڭ اشىقتىعىن جانە ايقىندىعىن قامتاماسىز ەتۋ ماقساتىندا، رەسپۋبليكادا العاشقى بولىپ وبلىس اكىمى اپپاراتىندا ءبىرىڭعاي كونكۋرستىق كوميسسياسى قۇرىلىپ، وسى كونكۋرستار ارقىلى 73 ادام مەملەكەتتىك اكىمشىلىك لاۋازىمدارعا قابىلداندى.
بىلىكتى جاس مامانداردى مەملەكەتتىك قىزمەتكە تارتۋ ماقساتىندا وبلىسىمىزدىڭ جوعارى وقۋ ورىندارى ۇزدىك بىتىرگەن تۇلەكتەر اراسىندا ىرىكتەۋ جۇرگىزىلىپ، 50 جاس ماماننان تۇراتىن «كادرلاردىڭ التىن رەزەرۆى» جاساقتالدى.
جالپى جوعارىدا اتقارىلعان جۇمىستاردىڭ بارلىعى حالىقتىڭ تۇرمىس دەڭگەيىن ارتتىرۋ ءۇشىن جاسالىپ وتىر.
ەستەرىڭىزدە بولسا، جاقىندا مەملەكەت باسشىسى ۇكىمەتتىڭ كەڭەيتىلگەن ءماجىلىسىن وتكىزىپ، وڭىرلەردى دامىتۋعا قاتىستى ءبىرقاتار ناقتى تاپسىرمالار بەرگەن بولاتىن. اتالعان تاپسىرمالاردا وبلىس باسشىلارىنىڭ ءمان بەرۋى ءتيىس نەگىزگى ستراتەگيالىق باعىتتارى ايقىندالعان. ونى ىسكە اسىرۋ بويىنشا دا قىرۋار مىندەتتەر بار.
