الماتىدا Volkswagen جۇرگىزۋشىسى جول اپاتىنان تاڭعالارلىق جاعدايدا امان قالدى، - دەپ حابارلايدى  Qamshy.kz Tengrinews.kz –كە سىلتەمە  جاساپ. 

جول اپاتى ءال-فارابي داڭعىلىنىڭ بويىندا، Esentai Mall ساۋدا ورتالىعىنا قاراما-قارسى جەردە بولعان. Volkswagen ماركالى اۆتوكولىك داڭعىلدىڭ بويىمەن باتىس باعىتتا ءجۇرىپ بارا جاتقان. كۋاگەرلەردىڭ ايتۋىنشا، اۆتو جۇرگىزۋشىسى تىزگىنگە يە بولا الماي قالىپ، اسقان جىلدامدىقتا ەكى باعانانى جانە جولدى ءبولىپ تۇراتىن تەمىر قورشاۋدىڭ بەسەۋىن قۇلاتقان. 

جول-كولىك وقيعاسىنان اۆتوموبيل قاتتى بۇلىنگەن، ونىڭ ارتقى دوڭگەلەكتەرى ءبولىنىپ قالعان. سوققىنىڭ قاتتى بولعانى سونداي، اۆتوكولىكتىڭ جۇكسالعىشىنان باسقا ءبىر كولىكتىڭ موتورى قارسى جولعا ۇشىپ كەتكەن. 

جول اپاتىنان Volkswagen جۇرگىزۋشىسى زارداپ شەككەن، ول اۋرۋحاناعا جەتكىزىلدى.