Ninety One توبىنىڭ "قايتادان" دەپ اتالاتىن جاڭا سينگلى TMB تەلەارناسىنىڭ تۇرىك چارتىندا ءبىرىنشى ورىن الدى، - دەپ حابارلايدى Qamshy.kz  Tengrinews.kz-كە سىلتەمە جاساپ. TMB (Turkish Music Box) شىعىس مۋزىكاسىنىڭ جاڭا حيتتەرىن تاراتاتىن تەلەارنا.  

قازاقستاندىق پوپ-توپ 2014 جىلى قۇرىلىپ، قازاقستاندا عانا ەمەس، شەتەلدە دە تانىمال بولىپ ۇلگەردى. "ايىپتاما" دەپ اتالاتىن ءبىرىنشى سينگل 2015 جىلدىڭ 1 قىركۇيەگىندە شىقتى. ۇجىم كورەيالىق پوپتىڭ قازاقستانداعى نەگىزىن قالاۋشىسى سانالادى. وسى توپ جاڭادان Q-pop (Qazaq pop) باعىتىن اشىپ وتىر. پروديۋسەرى - "وردا" توبىنىڭ ءسوليسى ەربولات بەدەلحان. 

توپ تانىمالدىعىمەن قاتار قوعامدا داۋ تۋعىزىپ، قارسىلاستارىن تاۋىپ ۇلگەرگەن. قازاقستان شوۋ-بيزنەسىنىڭ بىرنەشە وكىلى بۇل جانرعا، مانەرگە جانە باعىتقا قارسى بولىپ، وتكىر مالىمدەمەلەر جاساعان دا ەدى. 

ايتا كەتەيىك، "قايتادان" كومپوزيسياسى 6 كۇن ىشىندە 300 مىڭنان اسا كورىلىم جيناپتى. قازىرگى ۋاقىتتا روليكتى 1،4 ميلليون رەت كورگەن.