«نۇر وتان» پارتياسى كوكشەتاۋ قالالىق ءماسليحات جانىنداعى «تۇكش ينفراقۇرىلىمىن، سۋ جانە جىلۋ قۇبىرلارىن مودەرنيزاسيالاۋ، تۇرعىن ءۇي ينفراقۇرىلىمىن نىعايتۋ» باعىتى بويىنشا بيۋدجەتتىك قاراجاتتار جانە ۇلتتىق قور قاراجاتتارى ماقساتتى جانە ءتيىمدى پايدالانۋىن باقىلاۋ كوميسسياسىمەن كوكشەتاۋ قالاسىنداعى «قوپا كولى جاعاسىندا تۇرعىن ۇيلەرگە سىرتقى ينجەنەرلىك جەلىلەردى قالپىنا كەلتىرۋ» وبەكتىسىنە (اۋدانى 128،9 گا ۋچاسكەدە) رەيد جاسادى. كوشپەلى وتىرىس جۇمىسىنا كوميسسيا مۇشەسى، مەملەكەتتىك قىزمەتشىلەردى قايتا دايارلاۋ جانە بىلىكتىلىگىن ارتتىرۋ جونىندەگى ايماقتىق ورتالىعىنى ديرەكتورى الىبەك بايماعامبەتوۆ، «اپ-يمپەكس» ج ش س ديرەكتورىنىڭ ورىنباسارى جەتىباي جاقىپوۆ، كوميسسيا مۇشەسى، «زەلەنوستروي» ج ش س ديرەكتورى، اقمولا وبلىستىق ءماسليحات دەپۋتاتى گەنناديي وسينەنكو، «نۇر وتان» پارتياسى اقمولا وبلىستىق فيليالى ۇيىمداستىرۋ-باقىلاۋ ءبولىمىنىڭ كەڭەسشىسى ايجان ءابىشوۆا  جانە «اپ-يمپەكس» ج ش س جۇمىسشىلارى قاتىستى. 
 اتالعان نىسان  قوپا كولىنىڭ جاعالاۋى جاڭا شاعىن اۋداننىڭ قۇرىلىس ورنى بولىپ تابىلادى جانە جاڭارتىلعان ماگيسترالدى قۇبىرلار بولاشاق تۇرعىن ءۇي كەشەنىنە قوسىمشا جىلۋ بەرۋگە  جانە وبلىستىق ەمحاناعا دەيىن تۇراقتى جىلۋ تاسىمالداۋ ماسەلەسىن شەشۋگە مۇمكىندىك بەرەدى. 
نىساننىڭ ماقساتتىق مىندەتىنە 70 تۇرعىن ءۇيدى جىلۋمەن قامتاماسىز ەتۋ، سونىمەن قاتار، 13،42گكال/ساع سوممالىق جىلۋ جۇكتەمەسى جانە جوبالى نىسانداردى 26،69گكال/ساع جىلۋمەن قامتاماسىز ەتۋ كىرەدى. مەملەكەتتىك ساتىپ الۋلاردىڭ ۇيىمداستىرۋشىسى رەتىندە كوكشەتاۋ قالاسىنىڭ تۇرعىن ۇي-كوممۋنالدىق شارۋاشىلىق، جولاۋشىلار كولىگى جانە اۆتوموبيل جولدارى ءبولىمى» مم بولسا، باس مەردىگەر رەتىندە «اپ-يمپەكس» ج ش س بولىپ تابىلادى.
 ءىس-شارا بارىسىندا «اپ-يمپەكس» ج ش س ديرەكتورىنىڭ ورىنباسارى جەتىباي جاقىپوۆ كوميسسيا مۇشەلەرىن اتقارىلىپ جاتقان جۇمىستاردىڭ بارىسىمەن تانىستىردى. «اتالمىش كەزەڭدە قۇبىرلاردى وتكىزگەننەن كەيىنگى جۇمىستار جانە نىساندى مەملەكەتتىك قابىلداۋ كوميسسياسىنا دايىندىق جۇمىستارى جۇرگىزىلۋدە. كەلىسىمشارت بويىنشا قۇرىلىس-جوندەۋ جۇمىستارى 15 قازاندا اياقتالۋى ءتيىس، الايدا ءبىز تاپسىرىس مەرزىمىنەن 3 اپتا الدا كەلە جاتىرمىز»، - دەدى ول. 
كوميسسيا مۇشەلەرى ورناتىلىپ جاتقان قۇبىرلاردىڭ جالپى ۇزىندىعى جايلى سۇراققا، جەتىباي جاقىپوۆ ناقتى جاۋاپ بەردى: «جوباعا سايكەس اعىمداعى جىل ءۇشىن جالپى ۇزىندىعى  2601 م قۇبىر جەلىسىنىڭ قۇرىلىس-مونتاجداۋ جۇمىسى جوسپارلانعان. ەگەر 2015 جىلى 426،5 م جىلۋ قۇبىر جەلىسى جوندەلسە، وسى كەزەڭ ءۇشىن 2134،5 م قۇبىر جەلىسى جوندەلگەن، بۇل ءوز كەزەگىندە قۇرىلىس-مونتاجداۋ جۇمىسىنىڭ قارقىنىن ايقىن كورسەتەدى». 
 ءىس-شارا سوڭىندا دەپۋتاتتىق كوميسسيا مۇشەلەرى «اپ-يمپەكس» ج ش س جۇمىسشىلارى مەن ديرەكتورى ورىنباسارىنان قارجىلىق جانە تۇيىتكىلدى ماسەلەلەر تۋرالى سۇراستىردى. جۇمىسشىلار مەن ديرەكتور ورىنباسارى جالاقىلار ۋاقىتىندا بەرىلىپ جاتقانى جانە وسى باعىتتا «نۇرلى جول» باعدارلاماسى ءوز سەپتىگىن تيگىزىپ جاتقانى جايلى ايتىپ بەردى.
 ءىس-شارا سوڭىندا اقمولا وبلىستىق ءماسليحات دەپۋتاتى الىبەك بايماعامبەتوۆ ايتقانداي، دەپۋتاتتار الداعى ۋاقىتتا مۇنداي كوشپەلى وتىرىستار مەن كەزدەسۋلەردى ودان ءارى وتكىزۋگە نيەتتى.
 بۇگىنگى تاڭدا «الەۋمەتتىك ينفراقۇرىلىمدى دامىتۋ»، «تۇكش ينفراقۇرىلىمىن، سۋ جانە جىلۋ قۇبىرلارىن مودەرنيزاسيالاۋ، تۇرعىن ءۇي ينفراقۇرىلىمىن نىعايتۋ»، «يندۋستريالدىق، ەنەرگەتيكالىق ينفراقۇرىلىمدى دامىتۋ، شاعىن جانە ورتا بيزنەس پەن ىسكەرلىك بەلسەندىلىكتى قولداۋ»، «كولىكتىك-لوگيستيكالىق ينفراقۇرىلىمدى دامىتۋ» جانە «اگروونەركاسىپ كەشەنىن دامىتۋ» باعىتى بويىنشا اقمولا وبلىسىندا «نۇرلى جول» باعدارلاماسىن جۇزەگە اسىرۋعا قازاقستان رەسپۋبليكاسى ۇلتتىق قورىنان باعىتتالعان قارجىلىق اعىمداردى ءتيىمدى جانە ماقساتتى پايدالانۋىن باقىلاۋ بويىنشا دەپۋتاتتىق فراكسيا مۇشەلەرىنەن جاساقتالعان كوميسسيا ەرەكشە وزەكتىلىككە، ماڭىزعا يە ەكەن اتاپ وتكەن ءجون.
 كوميسسيالار ەلىمىزدىڭ پرەزيدەنتى، پارتيا ءتوراعاسى ن.ءا. نازاربايەۆتىڭ تاپسىرماسىن بۇلجىتپاي ورىنداۋ بويىنشا جۇمىستاردى ۇيىمداستىرادى. 
 
جامبىل قىرعىزباي