ورتا سالماقتا بىرنەشە نۇسقا بويىنشا چەمپيون قازاقستاندىق گەنناديي گولوۆكين (36-0، 33 كو) مەن وسى سالماقتاعى WBA چەمپيونى دەنيەل دجەيكوبس اراسىنداعى جەكپە-جەك جەلتوقسان ايىندا ءوتۋى مۇمكىن"، - دەپ حابارلايدى Qamshy.kz تengrinews.kz-كە سىلتەمە جاساپ.
بۇل جەكپە-جەك ساۋل "كانەلو" الۆارەستىڭ (48-1-1، 34 كو) جاراقات (ليام سميتپەن بولعان كەزدەسۋدەن العان) الۋىنا بايلانىستى بولعالى وتىر. "كانەلو" 10 جەلتوقسانعا جوسپارلاعان جەكپە-جەككە قاتىسا المايدى. ال ونىڭ جەكپە-جەگىن تىكەلەي ەفيردە تاراتۋى ءتيىس بولعان تەلەارنالار ەندى بۇل كەزدەسۋ ەفيرىن گولوۆكين مەن دجەيكوبسكە بەرۋى مۇمكىن ەكەن.
نيۋ-يوركتە دجەيكوبستىڭ ەسىمى جاقسى تانىمال بولعاندىقتان، ال گولوۆكين بىرنەشە رەت سول قالادا كەزدەسۋلەر وتكىزگەندىكتەن، جەكپە-جەكتىڭ وسى قالادا ءوتۋى اقىلعا قونىمدى دەلىنەدى. Madison Square Garden جانە Barclays Center ارەنالارى 10 جەلتوقسانعا ازىرشە بوس تۇر.
