Facebook الەۋمەتتىك جەلىسىنىڭ قولدانۋشىسى مانسۇر اميروۆ ءوز پاراقشاسىندا قايرات نۇرتاستىڭ ءانىن تىڭداۋ قورلىق ەكەنىن جازدى،- دەپ حابارلايدى Qamshy.kz. 

ونى تىڭدايتىن ادامدار ءبىر تابىن قوي سياقتى، قايراتتىڭ  ارزان، ماحاببات پەن ليريكا جايلى اندەرىنە  ەرىپ، ەلىكتەيدى-مىس. ورىس ءتىلدى جىگىت «وسى سەبەپتەن دە ءبىزدى باسقارۋ وڭاي» دەگەن. 

«قايرات كادىمگى توي مەن مەرەكەلىك اندەردىڭ ورىنداۋشىسى. داراقى قازاقتاردىڭ ارقاسىندا كۇن كورىپ ءجۇر.  وتاندىق ورىنداۋشىلاردىڭ ىشىنەن  عالىمجان مولدانازار مەن سكريپتونيتتى اتاپ وتەر ەدىم. جىگىتتەر وزدەرىنە وزدەرى جول اشىپ جاتىر.  ولاردىكى تازا اۆتورلىق شىعارماشىلىق.  ءار بەينەبايانعا وزىندىك ەرەكشەلىك جاسايدى.  بيلىككە دەگەن ەشقانداي يكەمدەلۋ مەن كونيۋنكتۋرا جوق»،- دەپ اياقتايدى ءسوزىن مانسۇر.

ەستەرىڭىزگە سالا كەتەيىك، عالىمجان مولدانازاردىڭ جاقىندا عانا شىققان « ءوزىڭ عانا» ءانى تالاي تىڭدارماننىڭ جۇرەگىنەن ورىن الىپ، جاستار اراسىندا حيتكە اينالىپ ۇلگەردى. ال، سكريپتون بولسا وتكەن اپتادا JQ مەن Tom Ford جۋرنالدارىنىڭ جۇلدىزى بولدى.