قىرعىزستانداعى بىشكەك قالاسىنىڭ ەپيسكوپى دانييل پراۆوسلاۆتى حريستيانداردى المازبەك اتامبايەۆتىڭ دەنساۋلىعى ءۇشىن دۇعا جاساۋعا شاقىردى، - دەپ حابارلايدى Qamshy.kz sputnik.kg/ سايتىنا سىلتەمە جاساپ.
اتامبايەۆتى اتاتۇرىك اۋەجايىنان ەمحاناعا الىپ بارا جاتقان سۋرەتتەرىن ب ا ق وكىلدەرى جاريالاعان بولاتىن. ق ر باسشىسى قىركۇيەكتىڭ 19 كۇنى بۇۇ باس اسسامبلەياسىنا باعىت العان. تۇركياداعى اتاتۇرىك اۋەجايىندا قىرعىز دەلەگاسياسى كەلەسى ۇشاققا وتىرار كەزدە پرەزيدەنت ءوزىن جايسىز سەزىنىپ، كەۋدە تۇسى اۋىرعانىن ايتقان. العاشقى كومەك كەزىندە دارىگەرلەر اتامبايەۆقا تولىقتاي تەكسەرىستەن وتۋگە كەڭەس بەرگەن. تۇرىك باق-تارىنىڭ مالىمەتىنشە، قىرعىزستاندىق كوشباسشى مەديسينالىق تەكسەرىستەن ءوتتى. ەمدەلۋ ءۇشىن ول بۇگىندە كەزەكتى دەمالىسقا شىققان. «پرەزيدەنتتىڭ اۋرۋىنا بايلانىستى، مەنىڭ باتا بەرۋىممەن قىرعىزستان شىركەۋلەرىندە ونىڭ دەنساۋلىعىنا ارنالعان ەرەشە دۇعا وقىلادى. بارلىق بەيبىت ادامداردى ءبىزدىڭ باسشى ءۇشىن كەشىرىم تىلەۋگە شاقىرامىن— دەيدى دانييل ەپيسكوپ. بۇۇ باس اسسامبلەياسىنىڭ 71ء-شى سەسسياسىنا قىرعىزستان پرەزيدەنتىنىڭ ورنىنا ەلدىڭ سىرتقى ىستەر ءمينيسترى ەرلان ابدىلدايەۆ بارادى.
